“Edhe fëmijët e vegjël e dijnë që po bëhet politikë”: Bulliqi i VV-së thotë se Jasharaj i dha grevës kahje tjetër
Kryetari i komunës së Podujevës, Shpejtim Bulliqi ka thënë se kryesindikalisti, Rrahman Jasharaj ka politizuar grevën e shpallur para disa javëve.
Bulliqi në Kanal10 ka akuzuar Jasharajn se “i ka dhënë kahje tjetër grevës”.
Sipas anëtarit të LVV-së, nuk është mirë të bëhet politikë më fëmijë.
“Jasharaj komplet e ka politizuar këtë grevë dhe i ka dhënë kahje të tjetër. Me vet faktin që ky filloi me u marrë me partitë politike unë mendoj që kjo është e politizur dhe edhe fëmijët e vegjël e dijnë që po bëhet politikë. Nuk është mirë me bo politikë me fëmijë”, ka thënë ai.