Çitaku: VV synon ta thellojë krizën politike, do të kërkojmë sërish vazhdimin e seancës konstituive

Deputetja, Vlora Çitaku, ka thënë se sot do t’i drejtojnë sërish kërkesë me shkrim kryesuesit të Kuvendit, Avni Dehari, për thirrjen e vazhdimit të seancës konstituive.

Çitaku ka akuzuar Lëvizjen Vetëvendosje se po synon ta thellojë krizën politike dhe institucionale në vend.

“Mungesa e vullnetit politik nga ana e Lëvizjes Vetëvendosje e ka shkaktuar krizën institucionale dhe ciklet e pafundme të zgjedhjeve”, tha ajo.

Duke folur për themelimin e institucioneve, Çitaku tha se kryeministri në detyrë, Albin Kurti, “e ka rrugën e hapur, vetëm nuk po dëshiron të ecë”.