Abott: Shqetësuese dorëheqja e policëve serb në Kosovë; të punojnë në veri pa frikësim
Ambasadori i Britanisë së Madhe, Nicholas Abbott, ka reaguar në lidhje me dorëheqjet e policëve serb nga Policia e Kosovës. Ai ka thënë se ndan shqetësimin për dorëheqjet e tyre.
Abott përmes një tëeet-I, ka thënë se është në interes të vetë komunitetit shërbimi i këtyre zyrtarëve, derisa thotë se ata duhet ta bëjnë punën e tyre pa frikësime nga brenda ose nga jashtë.
“Unë ndaj shqetësimin se një numër i policëve serbë të Kosovës të saporekrutuar kanë dhënë dorëheqje. Është në interes të komunitetit që policia serbe e Kosovës të vazhdojë të punojë në veri të Kosovës dhe ta bëjë këtë pa frikësimin e brendshëm apo të jashtëm.”- ka shkrur Abott.
I share the concern that a number of newly recruited Kosovo Serb Police officers have resigned. It is in the interest of the community that Kosovo Serb police continue to work in the north of Kosovo and can do so free from internal or external intimidation. 1/2
— Nicholas Abbott (@nickabbottfcdo) August 18, 2023
