Lufta në Ukrainë, vdekja e Mbretëreshës, Elon Musk - pse 'parashikimet' e Nostradamusit ende janë relevante
Lajme të mira dhe të këqija. I miri është se, siç mund ta keni vërejtur, bota nuk u shkatërrua më 4 korrik, 1999: "Nostradamus gaboi".
Derisa shkroi 450 vite më herët, astrologjisti francez u duk se parashikoi fundin në data specifike të pazakonta. "Në vitin 1999/ Nga qielli do të dalë një Mbret i madh i tmerrit / [Do të] ringjallet Mbreti i madh i Angolmois. Para dhe pas, Marsi [do të] mbretërojë siç do ta ketë rastësia.”
Mbreti i terrorit, sugjeruan interpretuesit e Nostradamusit, ishte antikrishti. Të tjerë argumentuan se, për shkak se Angolmois është një anagram (afërsisht) i Mongolais, termi francez i shekullit të 16-të për mongolët, pushtimi i Evropës nga lindja ishte i pashmangshëm – edhe pse nga rusët, kinezët apo nga pasardhësit e punuar me mjete të Genghis Khan-it që kalërojnë si Dothraki, hordhitë ishin të pasigurta. Eksperti i Nostradamusit, Prof Alexander Tollmann, e pa këtë çështje aq shqetësuese sa u tërhoq në bunkerin e tij në Austrinë e poshtme për të pritur katastrofën që nuk erdhi kurrë.
Lajmi i keq është se, nëse menduat se viti 2022 ishte një vit i kalbur, mos krijoni mendime se 2023 do të jetë më i mirë. Shkrimet e Nostradamusit tash po përdoren për të parashikuar apokalipsin e Evropës. Baza e këtij parashikimi është kuotimi në fjalët: "Shtatë muaj, Lufta e Madhe, njerëz të vdekur nga të bëmat djallëzore. Rouen, Evreux nuk do t'i binë mbretit."
Disa e kanë interpretuar këtë për të nënkuptuar se eskalimi i konfliktit në Ukrainë në Luftë të Tretë Botërore ishte i pashmangshëm. Korespodenti i "Daily Star" që merret me parashikimin e të ardhmes, ka ofruar këshillë të ndjeshme: "Periudha kohore 7-mujore në konflikt fillimisht mund të duket si kauzë feste, por me arsenalin tmerrues nuklear të vendeve, përfshirë Amerikën dhe Rusinë, ndoshta gjëja më e mirë që mund të bëjmë është të kemi kujdes".
Ndoshta Nostradamusi është një udhërrëfyes jo i besueshëm i të ardhmes. Mes viteve 1547 dhe 1555, ai raportohet se ka diktuar 942 ligjërime poetike, profetike për sekretarin e tij, derisa ishte i droguar me një substancë, e cila shkakton halucinacione kur merret në doza të larta. Madje, edhe kur ishte gjallë me të talleshin vazhdimisht."Një i çmendur i sigurtë/idiot", shkruhej në një copëz të Lord Herkules kundër Monstradamusit, "i cili po brohorit gjëra të pakuptimta dhe po publikon prognozat dhe fantazitë nëpër rrugë".
Por Nostradamus, pas vdekjes, triumfoi kundër atyre që e kundërshtuan. Veprat e tij, të publikuara më 1555 si 'Profecitë', asnjëherë nuk janë printuar, por është thënë se kanë parashikuar ekzekutimin e Charles I, Zjarrin Madhështor të Londrës, Revolucionin Francez, ngritjen dhe rënien e Napoleonit dhe Hitlerit, vrasjen e JFK, vrasjen e Benazir Bhuttos, sulmet e 11 shtatorit në Amerikë, vrasjet masive më 2015 në Paris, madje edhe abdikimin e Mbretit Charles III.
Qartazi, më 2022, Nostradamusi është literalisht një fenomen. Një libër interpretimesh të profecive të tij të supozuara muajin e kaluar, u publikua në 'Sunday Times', pasi fillimisht parashikoi vdekjen e Mbretëreshës Elizabetë II. Nostradamus: Profecitë e Kompletuara për të Ardhmen, nga Mario Reading, shiti gati 8 mijë kopje më 17 shtator, pasi shiti vetëm pesë kopje para vdekjes së Mbretëreshës.
Në librin e tij, të publikuar më 2006, Reading potencoi se ka gjetur diçka që u ka ikur të tjerëve që janë marrë me Nostrdamusin më herët: se katërkataret e tij janë të indeksuara me numra për t'u lidhur me datat. Prandaj, për shembull, katrani 10/22, që pretendon të parashikojë vdekjen e mbretëreshës, thotë: "Sepse ata nuk e miratuan divorcin e tij / Një njeri që më vonë e konsideruan të padenjë / Populli do të dëbojë mbretin e ishujve / Një burrë do të zëvendësojë atë që nuk e priste kurrë të bëhej mbret.”
Kjo copëz, shkroi Reading, "do të vijë si befasi për britanikët dhe ka implikime të gjëra. E para është se Mbretëresha Elizabetë do të vdes rreth vitit 2022, në moshën rreth 96-vjeçare". Reading, i cili vdiq vet më 2017, shkoi tutje duke thënë se katrani 10/22 parashikon se King Charles do të abdikojë sepse "shqetësohet për sulmet e vazhdueshme ndaj tij dhe gruas së dytë", për shkak të "mërisë që mbahet kundër tij nga një proporcion i njerëzve britanikë, pas divorcit nga Diana, Princesha e Uellsit". Interpretimi i tij nuk përfundoi aty. Ai gjithashtu tha se Princi Harry do të jetë mbreti i ardhshëm dhe jo vëllai më i madh, Uilliami.
Michel de Nostradame kishte lindur në Saint-Remy-de-Provence më 1503. Megjithëse katolik, ai më vonë tregoi prejardhjen e tij hebreje duke thënë se instinkti i tij natyror për profeci ishte "trashëguar nga paraardhësit e mi".
Në periudhën e hershme, ai jetonte nga të ardhurat si farmacist shumë i kërkuar për trajtimin e viktimave të murtajës
"Koha e tij ishte e krahasueshme me tonën", thotë historiani Dan Jones. "Ai jetoi po ashtu kur kishte zhvillime masive sociale dhe katastrofa. Ishte gjithashtu koha në të cilën shpikja e shtypit printues bëri transmetimin e ideve dhe çmendurive të kota, të lehtë. Ishte si rrjetet sociale të ditëve të sotme".
Nostradamus shfrytëzoi këto mjete për të shpërndarë ide. Nga 1550 e tutje, ai publikonte almanakë vjetorë, të cilat përfshinin pjesë profecishë. Më 1554, ai filloi të shkruante 'Les Propheties', në të cilën ai thuhet të ketë parashikuar historinë e së ardhmes së botës në katërkëndësha, të aranzhuar në 10 "shekuj". Derisa fama e tij po rritej, Nostradamus u bë shok i ngushtë me mbretëreshën e Francës, Catherine de Medici, vdekjen e burrit të së cilës ai është supozuar ta parashikonte në pjesën e mëposthme.
"Luani i ri do ta mposht të vjetrin / Në fushën e betejës në një betejë të vetme / Ai do t'i shpojë sytë përmes një kafazi të artë / Dy plaga të bëra një, pastaj vdes nga një vdekje e rëndë".
Henry II ishte pjesmarrës në gara justingu. Më 30 qershor, 1559, ai po merrte pjesë në një kompeticion që po organizohej për të festuar martesën e bijës Elisabeth of Valois me Mbretin Philip II të Spanjës. Gjatë meçit të justingut, Mbreti Henry, u lëndua në sy nga një fragment i shtizës së Gabriel Mongomery, kapiten i Roës së Mbretit të Skocisë. Pavarësisht përpjekjeve të kirurgëve mbretërorë, doktorët e oborrit "avokuan për strategjinë prit dhe shiko", si rezultat, syri i patrajtuar i mbretit dhe dëmi në tru nxitën vdekjen e tij më 10 korrik 1559.
Ndoshta Nostradamusi nuk parashikoi vdekjen e mbretit aq shumë sa është bërë të duket për lexuesit në të ardhmen sikur e ka bërë. Kjo nuk është për të sugjeruar se Nostradamusi ishte sharlatan, por diçka më interesant. "Qëllimi i profecisë nuk është për t'ju dhënë këshilla për luhatjet e çmimit të aksioneve, por për të qenë në gjendje pas ngjarjes të pohoni se ato ishin parashikuar," thotë Steven Connor, profesori i anglishtes në Universitetin e Kembrixhit. "Profecia është gjithmonë e fuqishme në mënyrë retroaktive, ose nga lloji i retrospeksionit të parashikuar që ne mund ta quajmë "posticipation", që do të thotë gjithmonë të dish shumë vonë atë që mund të kesh ditur paraprakisht."
Kjo e thënë, të paktën Nostradamus parashikoi vdekjen e tij më 1566. Edhe pse, ky parashikim erdhi vetëm një ditë para se të vdiste dhe se ai ishte pothuajse i shtrirë në shtrat me drogë dhe arteriosklerozë, ndoshta kjo nuk ishte aq një simptomë e gjenisë së tij profetike sesa një deklaratë e dukshme.
Bukuria e Nostradamusit është se ju mund të lexoni çkado që dëshironi në atë që ai shkroi. Ajo që disa mund ta konsiderojnë si sharlatani, e shikuar nga një kënd tjetër, gjenialiteti i tij, thotë Everett F Blieler, autore.
Por asnjë nga këto nuk ka rëndësi për industrinë e lulëzuar të Nostradamus. Interpretimet e fatkeqësive të afërta, të bazuara në leximet fantastike të vargjeve të tij, po vijnë ende të dendura dhe të shpejta. Vërejtja e tij se "njeriu do të hajë njeriun" sepse "bushi i grurit do të bëhet kaq i lartë", për shembull, po shihet si një referencë për efektet katastrofike të ndërprerjes së eksporteve të grurit ukrainas, megjithëse si pasojë e supozuar e tij, rritja e kanibalizmit, duket paksa e largët.
Disa argumentojnë se kjo nënkupton se Nostradamusi gjithashtu parashikoi krizën klimatike kur shkroi: "44 vite, ylberi nuk dotë shihet, / 44 vite do të shihet çdo ditë. / Toka e thatë do të bëhet më e tharë dhe do të ketë përmbytje të mëdha kur të shihet.”
Por nëse vërshimet, thatësirat dhe vrasjet nuk ju mjaftojnë për t'iu dhënë një shenjë për atë që na pret, copëza 5/23 shkruan: "Dy garuesit do të bëhen bashkë / Kur shumica e të tjerëve bashkohen me Marsin / Lideri afrikan është i frikshëm / Aleanca e dyfishtë ndahet nga flota”.
Në librin e tij të vitit 2016, Reading tha se kjo nënkupton "dy fuqi të bashkuara" për të luftuar luftën globale.
Por ky interpretim së fundmi është vënë në dyshim nga biri i Reading, Laurie, i cili ka ndjekur biznesin e familjes për t'i bërë fjalët e Nostradamusit relevante me këtë kohë. Ai mendon se "lideri afrikan" është referencë për miliarderin e lindur në Afrikë të Jugut, Elon Musk dhe planeve të tij për ta kolonizuar marsin.
