Ukraina: Do të sulmojmë Krimenë
Ukraina po përgatitet të sulmojë gadishullin e Krimesë në Detin e Zi, të cilin Rusia e aneksoi në vitin 2014 dhe është shtëpia e flotës ruse të Detit të Zi, sipas një zyrtari qeveritar.
"Ne kemi aftësi kundër anijeve dhe herët a vonë do të synojmë flotën", i tha The Times Ministri ukrainas i Mbrojtjes, Volodymyr Havrilov, gjatë vizitës së tij në Londër.
"Rusia do të duhet të largohet nga Krimea"
“Rusia do të duhet të largohet nga Krimea nëse dëshiron të ekzistojë si shtet”, tha ai.
Havrilov tha se çlirimi i ishullit të gjarpërinjve, i cili u pushtua nga Moska në ditët e para të pushtimit, ishte hapi i parë.
"Ne jemi të gatshëm t'i shënjestrojmë ata përgjatë gjithë Detit të Zi nëse kemi mundësi", tha ai.
Kremlini: Kjo konfirmon domosdoshmërinë e një operacioni special
Zëdhënësi i Kremlinit Dmitry Peskov u përgjigj duke thënë se deklaratat e Havrilov konfirmojnë domosdoshmërinë e një "operacioni ushtarak special", siç quhet zyrtarisht lufta në Rusi.
"Kjo është mënyra e vetme që Ukraina mund të çlirohet nga përfaqësues të tillë të udhëheqjes", tha Peskov, sipas agjencisë shtetërore ruse të lajmeve, TASS.
"Ne po marrim armë kundër anijeve dhe herët a vonë do të sulmojmë flotën", vazhdoi zëvendësministri ukrainas i mbrojtjes, Volodymyr Havrylov.
"Krimea është territor ukrainas, kështu që çdo objektiv atje është legjitim për ne”, u shpreh Havrylov.
Rikthimi është i mundur edhe përmes kanaleve diplomatike. Megjithatë, Rusia gjithmonë kishte deklaruar se çështja e Krimesë do të zgjidhej përfundimisht me inkorporimin në vend. Duke përfshirë Krimenë, Rusia tani kontrollon më shumë se 20 për qind të territorit të Ukrainës.
Rusia e justifikoi luftën e saj kundër Ukrainës, e cila filloi më 24 shkurt, me planet e pretenduara të Kievit për të kërkuar për të rimarrë Krimenë, të cilën Moska e aneksoi në vitin 2014.
Zëdhënësi i Kremlinit, Dmitry Peskov, tha se komentet e Havrylov konfirmuan edhe një herë nevojën për "operacion special ushtarak". Kështu e përshkruan zyrtarisht Moska luftën kundër Ukrainës. /Nacionale/
