Trump publikon statistikat: 46% e emigrantëve nga Kosova në ShBA varen nga ndihmat sociale

Presidenti i Shteteve të Bashkuara, Donald Trump, ka publikuar së fundmi një raport të detajuar statistikor në platformën e tij "Truth Social", i cili pasqyron përqindjen e familjeve emigrante që përfitojnë asistencë sociale (welfare) në bazë të vendit të tyre të origjinës.

Të dhënat, të cilat vijnë në kuadër të politikave të shtuara të administratës për kontrollin e migracionit gjatë mandatit të dytë presidencial, përfshijnë edhe shtetet e Ballkanit Perëndimor, konkretisht Kosovën dhe Shqipërinë.

Sipas dokumenteve të publikuara, një përqindje e konsiderueshme e familjeve me origjinë nga trojet shqiptare janë përfituese të skemave mbështetëse amerikane:

· Kosova renditet me një normë prej 46.0% të familjeve që marrin ndihmë sociale.

· Shqipëria shfaqet më poshtë në listë, me 41.3% të familjeve përfituese.

Këto shifra i vendosin të dyja vendet në mesin e tabelës, krahasuar me shtete të tjera të rajonit dhe botës.