Trump pretendon në mënyrë të rreme se turma e Harris "ishte e falsifikuar me AI"

Donald Trump ka pretenduar në mënyrë të rreme se një turmë që u mblodh për të parë zëvendëspresidenten Kamala Harris duke folur në Michigan javën e kaluar "nuk ekzistonte" dhe se një imazh që tregonte se ishte krijuar nga ineligjenca artificiale.

Fotografia në fjalë tregon një turmë të madhe në tubimin e kandidates demokrat për president në Detroit.
Trump tha në platformën e tij “Truth Social” se ishte pamja ishte "e rremë" dhe se “askush” nuk e priste atje.

Megjithatë, në shumë imazhe dhe video të tjera, disa të marra nga njerëz të pranishëm, por edhe nga ekipet e lajmeve televizive dhe fotografët e agjencive, shihhet një turmë e madhe njerëzish në ngjarje.

Imazhet e shumta tregojnë një turmë të madhe

Prezantuesja e BBC-së, Sumi Somaskanda, bëri foton më poshtë në tubim dhe thotë: "Kishte plotë njerëz dhe turma ishte në aeroport."

Disa fotografi të tjera të marra në këtë ngjarje nga Getty Images tregojnë një turmë të madhe atje, raporton BBC.

Pamjet video të marra nga disa organizata të pavarura mediatike, duke përfshirë NBC News dhe PBS, tregojnë skena të ngjashme.

Media lokale MLive mbuloi ngjarjen dhe vlerësoi se rreth 15,000 njerëz ishin në tubimin që u mbajt në Aeroportin Metropolitan të Detroitit.

Shumë njerëz që ishin gjithashtu atje postuan fotografi në X, të cilat i shfaqnin ata në një turmë të madhe, duke përfshirë një ligjvënës demokrat të shtetit Michigan, i cili tha se kishte "turma njerëzish".

Nga erdhi fotografia?

Versioni i parë fotos është postuar në X nga një punonjës i fushatës së Harris, Bhavik Lathia, më 7 gusht.

Z. Lathia thotë se fotografia iu dërgua nga një zyrtar tjetër i fushatës.

Fushata e Harris e konfirmoi këtë dhe ia dërgoi atë BBC-së që ata thonë se ishte fotografia origjinale më poshtë.

BBC Verify kontrolloi meta të dhënat e këtij imazhi, të cilat konfirmuan se ishte marrë në një pajisje iPhone 12 Pro Max më 7 gusht në orën 18:28 me kohën lokale.

“Mund të konfirmoj se kjo është marrë nga stafi i fushatës së Harris dhe nuk është modifikuar nga AI në asnjë mënyrë”, tha një zyrtar i fushatës për BBC.

Fushata na dërgoi edhe disa imazhe të tjera të bëra nga i njëjti person në të njëjtin vend, duke përfshirë atë më poshtë.

Ky imazh është marrë një minutë më parë nga i njëjti kënd, në të cilin e njëjta turmë është e dukshme, por e mbuluar në hije.

BBC e ka pyetur fushatën e Harris nëse imazhi që u vu në pyetje nga zoti Trump ishte ndriçuar për të ekspozuar turmat e mbuluara nga hija ose ndryshuar në ndonjë mënyrë tjetër.

Nuk ka asnjë provë që fushata e Harris e modifikoi imazhin për ta bërë turmën të duket më e madhe.

Pjesë e artikullt të BBC News, përkthyer nga Nacionale.