Tragjedi në Afrikë të Jugut, shkon në 73 numri i të vdekurve nga zjarri në një bllok banesor
Të paktën 73 persona kanë vdekur pas shpërthimit të një zjarri në një bllok banesor në Johanesburg të Afrikës së Jugut, thonë autoritetet e këtij shteti.
Përpos të vdekurve, më shumë se 40 persona janë lënduar. Autoritetet në Johanesburg thonë se është e paqartë se çfarë e ka nxitur zjarrin në ndërtesën 5-katëshe në qendër të qytetit, raporton televizioni BBC.
Robert Mulaudzi, zëdhënës i shërbimeve emergjente, i tha televizionit BBC se zjarrfikësit kanë arritur që të nxjerrin jashtë objektit disa prej banorëve.
Në një video të publikuar nga ky zëdhënës në rrjetin X shihen kamionët e zjarrfikësve dhe autoambulancat para ndërtesës me dritare të djegura.
@CityofJoburgEMS Firefighters are currently attending to a building on fire in @CityofJoburgZA CBD corner Delvers, Alberts street at this stage 10 people confirmed dead and multiple patients treated on scene transported to various health care facilities for further medical care pic.twitter.com/20b6NXaHvF
— Cojems Spokesperson (@RobertMulaudzi) August 31, 2023
