Shtëpia e Bardhë: Biden po monitoron nga afër protestat në Kinë

Presidenti amerikan Joe Biden është i informuar për atë që po ndodh dhe po e ndjek nga afër, tha zëdhënësi i Shtëpisë së Bardhë John Kirby për protestat në Kinë.

“Shtëpia e Bardhë ngrihet për të drejtën e protestave paqësore”, tha ai në një bisedë me gazetarët, pas protestave të pazakonta në Kinë kundër masave epidemiologjike dhe për liri më të mëdha.

“Protestuesit flasin vetë”

John Kirby, zëdhënës i Këshillit të Sigurisë Kombëtare, një organ nën juridiksionin e presidentit amerikan, nuk komentoi përmbajtjen e këtyre kërkesave: Këta protestues flasin vetë.

“Asgjë nuk ka ndryshuar në gatishmërinë tonë për të vazhduar të kemi kanale të hapura komunikimi me autoritetet kineze, menjëherë pas takimit mes Joe Biden dhe homologut të tij kinez Xi Jinping në margjinat e samitit të G20 në Indonezi”, tha Kirby.

Dy liderët, gjatë takimit që supozohej të ishte një moment për të zbutur tensionin mes dy superfuqive, treguan gatishmërinë e tyre për të rinovuar bisedimet në disa fusha ku mund të bashkëpunonin. "Ne duam të vazhdojmë ato biseda," tha John Kirby. /Nacionale/