SHBA: Afrika do të mbajë barrën e krizës në Ukrainë, 40 milionë njerëz janë në rrezik nga uria - NACIONALE

SHBA: Afrika do të mbajë barrën e krizës në Ukrainë, 40 milionë njerëz janë në rrezik nga uria

1 javë më parë

nga Lirim Krasniqi

Ambasadorja e SHBA-së në Kombet e Bashkuara Linda Thomas-Greenfield ka thënë se pushtimi rus i Ukrainës do të shkaktojë mungesë ushqimi për 40 milionë njerëz dhe se Afrika Sub-Sahariane do të jetë më e prekura.

SHBA siguroi 4.5 miliardë dollarë për sigurinë ushqimore në samitin e G7, nga të cilat tashmë kanë kontribuar 2.76 miliardë dollarë.

Ka gjithashtu plane që SHBA të kontribuojë me 150 milionë dollarë në një paketë të re ndihme për zhvillimin humanitar në Afrikë, por miratimi i Kongresit është ende i nevojshëm, shtoi ajo.

Afrikanët "nuk duhet të detyrohen të zgjedhin një anë" në një përsëritje të Luftës së Ftohtë, por ata duhet të dinë faktet, tha ajo.

Ndërsa energjia, ndryshimet klimatike, pandemia dhe konflikti janë shkaqet kryesore të problemit global të furnizimit me ushqim, Thomas-Greenfield tha se "shkaku më tinëzar i urisë është kur përdoret si armë lufte".

"Ne nuk kemi parë asnjë tregues se Rusia do të pranojë një zgjidhje diplomatike" për luftën në Ukrainë, tha ajo. /Nacionale/

Lajme të ngjashme