Pamje: Koreja Veriore thotë se provoi karburant të ri, por raketa i shpërtheu pak pas nisjes
Fluturimi më i ri i një sateliti të Koresë Veriore përmes një rakete përfundoi me shpërthim para se të binte në Detin e Verdhë vetëm disa minuta pas nisjes.
Koreja Veriore tha se përpjekja e saj më e re për të nisur një satelit ushtarak të zbulimit dështoi gjatë fluturimit të hënën, në fazën e parë të fluturimit të raketës, e cila po lëvizte duke shfrytëzuar një “motor [të ri] me oksigjen të lëngshëm dhe karburant”, raporton agjencia “Reuters”.
Sipas një analize fillestare, lihet të kuptohet se rasti i dështimit e përfshiu motorin raketor të zhvilluar rishtazi, por po hetohen edhe shkaktarë të tjerë, thuhet në një raportim të agjencisë shtetërore të lajmeve, KCNA.
Edhe pse mediat shtetërore nuk e përmendën emrin e raketës dhe nuk publikuan fotografi, analistët thonë se, sipas të gjitha gjasave, bëhej fjalë për raketën “Chollima-1”, që ishte përdorur për nisjen e suksesshme të një sateliti në nëntor të vitit të kaluar.
North Korea said its attempt to launch a new military reconnaissance satellite ended in failure on Monday when a newly developed rocket engine exploded in flight https://t.co/Q207KJciAp pic.twitter.com/ZTWuP93AoD
— Reuters (@Reuters) May 28, 2024
