Pamje: Izraeli alarmohet pas sulmeve nga Jemeni, nis luftanije me raketa në Detin e Kuq
Forcat e Mbrojtjes të Izraelit thonë se e kanë përforcuar mbrojtjen në Detin e Kuq me luftanije të armatosura me raketa pas sulmeve me disa raketa e dronë nga rebelët Houthi të Jemenit.
Ushtria izraelite tha se këto luftanije u dislokuan të martën “në përputhje me vlerësimin e situatës dhe si pjesë e përpjekjeve të shtuara të mbrojtjes në zonë”, raporton gazeta “The Times of Israel”.
IDF says it has bolstered the Red Sea area with Navy missile boats, following several missile and drone attacks by Iran-backed Houthis in Yemen. pic.twitter.com/tatWFq6iO8
— Emanuel (Mannie) Fabian (@manniefabian) November 1, 2023
Të martën, forcat izraelite thanë se penguan një raketë dhe dy dronë të hedhur nga Jemeni drejt Izraelit. Një cak tjetër u pengua të mërkurën herët në mëngjes afër qytetit Eilat, që shtrihet në skajin jugor të Izraelit.
Ushtria izraelite thotë se ka disa shtresa të mbrojtjes ajrore në atë zonë për t’u mbrojtur kundër sulmeve të rebelëve Houthi. Edhe Shtetet e Bashkuara kanë forca të dislokuara në Detin e Kuq dhe kanë penguar një numër të raketave e dronëve që ishin nisur drejt Izraelit para dy javëve.
