Më në fund një lajm i mirë, çmimet e naftës ranë ndjeshëm
Çmimet e naftës ranë ndjeshëm në tregjet ndërkombëtare sot, duke rënë nën 101 dollarë nën presionin e një dollari të fortë, masave strikte të kontrollit të Covid-19 të Kinës që po frenojnë kërkesën dhe frikën e një ngadalësimi ekonomik global.
Çmimet e naftës u rënduan nga një dollar i fortë sot, i cili arriti barazinë me euron, mbështetur nga njoftimet për rritjen e normave të interesit dhe shqetësimet për ekonominë. Në një mjedis të tillë, edhe tregjet e aksioneve ranë ndjeshëm.
Një dollar i fortë dobëson fuqinë blerëse të blerësve në monedha të tjera, që do të thotë kërkesë më modeste.
“Në Perëndim, kombinimi i çmimeve të larta të energjisë dhe rritja e normave të interesit po nxit frikën e një recensioni që do të ndikonte seriozisht në kërkesën për naftë”, shpjegojnë analistët e Commerzbank.
Kufizimet e reja në Kinë për të shtypur valën e re të Covid-19 po bëjnë gjithashtu presion mbi çmimet, shtojnë ata.
Disa qytete kineze kanë kufizuar përsëri lëvizjen, duke mbyllur bizneset dhe duke urdhëruar banorët të qëndrojnë në shtëpi për të frenuar përhapjen e nënvariantit shumë ngjitës BA.5.2.1 të koronavirusit.
Tregtarët do të monitorojnë gjithashtu nga afër vizitën e presidentit amerikan Joe Biden në Arabinë Saudite.
Presidenti amerikan do të bëjë presion për më shumë prodhim nafte në Organizatën e Vendeve Eksportuese të Naftës (OPEC) në takimin e kësaj jave me liderët e vendeve të Gjirit Persik, tha të hënën këshilltari i Sigurisë Kombëtare i Shtëpisë së Bardhë, Jake Sullivan. /Nacionale/
