Kryediplomati britanik: Sulmi i rrezikshëm dhe i pamatur i Iranit disfatë e dyfishtë për të

Sekretari i Jashtëm i Mbretërisë së Bashkuar, David Cameron, duke folur për sulmin e Iranit ndaj Izraelit, e ka quajtur “të rrezikshëm dhe të pamatur” por edhe që sulmi si i tillë për vetë Iranin ishte “disfatë e dyfishtë”. Kjo, sipas Cameron, marrë edhe për faktin se me sulmin e tij Irani dështoi t’i shkaktojë dëme Iraelit.

Duke folur për “Sky News”, Cameron tha se sulmi ishte mjaft i madh për nga pesha, përkatësisht “301 armë, 110 raketa balistike dhe 40 raketa lundruese”.

“Nëse jeni ulur në Izrael këtë mëngjes, po mendoni me mjaft të drejtë, ne kemi të drejtë t'i përgjigjemi kësaj, dhe ata e bëjnë këtë, por ne po bëjmë thirrje që ato të mos përshkallëzohen”.

“Shpresa jonë është se nuk do të ketë përgjigje hakmarrëse, dhe në vend të kësaj, fokusi i botës duhet të zhvendoset te Hamasi. Ata ende i mbajnë peng ata. Atyre u është ofruar një marrëveshje që të burgosurit mund të lirohen nga burgjet izraelite në këmbim të disa prej atyre pengjeve dhe do të ketë një pauzë në luftime. Kjo është ajo që duhet të ndodhë më pas”.

“Unë mendoj se gjëja e zgjuar për të bërë është të pranosh se sulmi i Iranit ishte një dështim. Dhe ne duam të mbajmë fokusin në këtë, në ndikimin keqdashës të Iranit, dhe në fakt të fokusohemi për të parë se çfarë po ndodh në Gaza dhe për t'i liruar ata pengje
“, shtoi mes tjerash David Cameron.