Inteligjenca britanike: Probleme të reja në ushtrinë ruse, mundësitë që lufta të përfundojë shpejt janë të vogla
“Forcat ruse nuk kanë bërë ndonjë përparim të rëndësishëm territorial në 72 orët e fundit në Donbass”, njoftoi Ministria e Mbrojtjes e Mbretërisë së Bashkuar.
"Në Donbass, forcat ruse vazhdojnë të kryejnë sulme artilerie në një front të gjerë, të ndjekura në disa zona nga sulme testuese nga kompani të vogla dhe njësi të madhësisë së togave. Megjithatë, ato nuk kanë bërë përfitime të rëndësishme territoriale në 72 orët e fundit dhe janë në rrezik të humbjes nga ushtria ukrainase pas kapjes së Lisiçanskës.
Automjetet, armët dhe taktikat e vjetra të epokës sovjetike të përdorura nga forcat ruse nuk janë të përshtatshme për një rikthim të shpejtë ose përforcim të një sulmi nëse nuk përdoren në numër masiv – diçka që Rusia aktualisht nuk është në gjendje ta trajtojë.
Pavarësisht bisedimeve midis delegacioneve të Ukrainës, Rusisë, Turqisë dhe OKB-së më 13 korrik 2022 mbi eksportet e grurit dhe shkëmbimet e të burgosurve të negociuara së fundmi me sukses, perspektivat për bisedime më të gjera për përfundimin e konfliktit mbeten të pakta.
Kujtojmë se ka pasur shumë përpjekje nga shumë shtete të Perëndimit që Rusia dhe Ukraina të ulen dhe të bisedojnë për një ndërprerje të luftës.
Më herët, disa muaj pasi lufta kishte filluar ka pasur disa takime mes të dyja shteteve, por që asnjëra prej tyre nuk kishte rezultuar e sukseshme.
Kurse tashmë po bëhet përpjekje që të ketë një marrëveshje mes të dyja shteteve në mënyrë që gruri i Ukrainës, i bllokuar në Detin e Zi nga forcat ruse, të mund të transportohet nëpër botë, dhe të ushqehen miliona njerëz, që po vuajnë nga mungesa e tij.
Dje ka pasur një takim, mes Rusisë, Ukrainës, Turqisë dhe OKB-së, por duket se nuk kishte një marrëveshje për një transport të tillë.
Pasi lufta në Ukrainë kaloi përtej fazës së saj të parë, në të cilën Rusia u përpoq të kapte shpejt qytetet e mëdha si Kievi dhe Kharkiv dhe të detyronte një ndryshim të qeverisë në Ukrainë, Rusia ndryshoi taktikat.
Kanë kaluar pothuajse tre muaj nga ndryshimi i taktikave dhe Rusia arriti të pushtojë plotësisht rajonin e Luganskut duke pushtuar Lisichansk dhe Severodonetsk.
Pas betejës në rajonin e Luhanskut, është e qartë se fokusi po zhvendoset në rajonin fqinj të Donetskut, territori i të cilit është i ndarë midis Ukrainës dhe Republikës Popullore të Donetskut. Donetsk dhe Mariupol si dy qytetet më të mëdha janë nën kontrollin e DNR, ndërsa Kramatorsk dhe Slavyansk janë qytetet kryesore të mbetura në rajonin e Donetsk.
Janë pikërisht dy qytetet e fundit të përmendura që kanë pësuar sulmet më të forta të artilerisë në ditët e fundit, pasi ushtria ruse pushtoi Lisichansk. Gjithashtu, ditët e fundit, ushtria ukrainase është kundërpërgjigjur dhe ka intensifikuar sulmet me artileri në Donetsk. /Nacionale/
