Instituti i Luftës: Rusët mund të humbasin qytetin e ri në Donetsk, ukrainasit i rrethojnë
Forcat ruse mbeten nën presion në pjesë të rajoneve që planifikojnë të aneksojnë. Instituti për Studimin e Luftës (ISW) raporton se ushtria ruse përballet me humbje të afërt në qytetin Liman, në juglindje të Izjum.
ISW thotë se ushtarakë rusë diskutuan dje sukseset e Ukrainës rreth Limanit me shqetësim në rritje, "duke sugjeruar se forcat ruse në këtë zonë mund të përballen me humbje të afërt".
Ukrainasit po përpiqen të rrethojnë trupat ruse
Liman është një qytet me rreth 20,000 banorë në Donetsk, rreth 20 km nga kufiri i rajonit të Luhansk, dhe jo shumë larg nga Lisicansk dhe Severodonetsk, të cilat ishin skena e luftimeve të ashpra këtë pranverë.
NEW: Russian military leadership has likely failed to set information conditions for the potential defeat of Russian forces in #Lyman despite increasingly concerned discourse among Russian milbloggers regarding its potential envelopment by Ukrainian forces https://t.co/PgxSbjvRL6 pic.twitter.com/VYaVlrRDw8
— ISW (@TheStudyofWar) September 29, 2022
"Disa blogerë ushtarakë rusë dhe korrespondentë të shquar ushtarakë pohojnë se trupat ukrainase kanë avancuar në perëndim, veri dhe verilindje të Limanit dhe po punojnë për të përfunduar rrethimin e trupave ruse në Liman dhe përgjatë bregut verior të lumit Siversky Donetsk në këtë zonë", tha Instituti.
“Blogerët ushtarakë rusë kanë deklaruar se trupat ukrainase po kërcënojnë pozicionet dhe linjat e komunikimit ruse”, shtuan ata. /Nacionale/
