Instituti Britanik: Rusët përdorin harta të vjetruara dhe qëllojnë gabimisht ushtarët e tyre - NACIONALE

Instituti Britanik: Rusët përdorin harta të vjetruara dhe qëllojnë gabimisht ushtarët e tyre

2 muaj më parë

nga Lirim Krasniqi

Raporti më i fundit nga Instituti Mbretëror i Shërbimeve të Bashkuara, një institut kërkimor që merret me çështjet e mbrojtjes dhe sigurisë, sugjeron se ukrainasit kanë mashtruar me sukses ushtarët rusë që nga fillimi i pushtimit. Taktika e Ukrainës thuhet se synon të mashtrojë trupat ruse, të cilat po mbështeten në harta të vjetruara dhe lista të pasakta të objektivave ushtarake.

Një analizë e grupeve të ekspertëve tregon se ushtarët rusë po shpërdoronin municione në objektiva të rremë. Raporti përmban dëshmi nga figura të rangut të lartë në ushtrinë ukrainase dhe tregon për mangësitë kryesore të ushtrisë ruse, siç është një strukturë e ngurtë komanduese. Thuhet gjithashtu se rusët kanë krijuar një zakon për të përsëritur gabimet.

Disa qytete nuk ekzistonin as në hartat e vjetruara ruse

Pretendohet se artileria ruse synonte trupat e veta për shkak të mungesës së komunikimit. Po kështu, mbrojtja ajrore synonte avionët e tyre, ndërsa Sistemi Elektronik i Kundërmasave Hibni, i cili supozohet të mbronte pilotët rusë, po bllokonte avionët e tyre.

Autorët e raportit pohojnë se pengesat kryesore për përparimin rus janë zjarri miqësor dhe mënyra në të cilën trupat ruse mashtrohen lehtësisht nga ukrainasit. "Vëllavrasja ishte një problem i përhapur për forcat ruse gjatë pushtimit të Ukrainës", thuhet në raport, shkruan The Times.

Ushtarët rusë dyshohet se as nuk e dinin se ku ishin saktësisht në fillim të luftës, sepse ata përdornin harta të vjetruara, dhe disa qytete as që ekzistonin kur u bënë ato harta. Megjithatë, think tank paralajmëron se pavarësisht nga gabimet që rusët bëjnë vazhdimisht, duhet të jeni të kujdesshëm për shkak të burimeve të Kremlinit dhe mobilizimit të mundshëm të mëtejshëm.

"Ekziston një perceptim se forcat e armatosura të Federatës Ruse janë sistematikisht të paaftë, të korruptuara në mënyrë të pariparueshme, se armët e tyre janë joefektive dhe jo të besueshme dhe se forcat nuk mund të përshtaten", përfundojnë ata në raport. /Nacionale/

Lajme të ngjashme