Gjithçka po tensionohet në Shangai - Kina po përballet me një periudhë të vështirë
Kerry Brown, një profesor në King's College në Londër, tha për Sky News se Kina po përballet me një periudhë të tensionuar dhe të vështirë, por gjithashtu se vendi ka burime të mëdha për të shuar protestat.
"Unë besoj se qeveria kineze ka burime të mëdha për ta kundërshtuar këtë dhe kështu ata do të përpiqen të shuajnë protestat që ekzistojnë nëse ato nuk dalin plotësisht jashtë kontrollit, gjë që është e pamundur," tha Brown.
Ish-diplomati kinez: Protesta të tilla janë shumë të rralla
Victor Gao, një veteran i Partisë Komuniste Kineze dhe një ish-diplomat, i tha BBC-së se "protesta të tilla në shkallë të gjerë në qytete të shumta janë shumë të rralla në Kinë". Gao, i cili punon si analist në Qendrën për Kinën dhe Globalizimin me qendër në Pekin, thotë se "ne duhet të sigurohemi që çështjet e ngritura të zgjidhen" dhe se protestat kanë ofruar një "mundësi të rrallë" për Kinën për të rimenduar politikat e saj për Covid.
Ai tha se kjo përfshin marrjen parasysh se si Kina mund të krijojë politika që janë më të përqendruara në mirëqenien e njerëzve, të cilat do të minimizojnë numrin e vdekjeve dhe infeksioneve nga njëra anë, por do të mundësojnë zhvillimin e ekonomisë dhe standarde më të mira jetese në anën tjetër."
"Unë besoj se Kina është aktualisht në tranzicion, ajo periudhë mund të jetë e vështirë dhe e pasigurt", thotë Gao. I pyetur nëse mendon se autoritetet do të shtypin protestat, ai tha se “qeveria duhet të dëgjojë interesat legjitime dhe zërat që mund të dëgjohen në protesta”.
Xi do të bëjë "çfarëdo që duhet" për të shuar protestat, thotë eksperti
Presidenti kinez Xi Jinping do të bëjë "çfarëdo që duhet për të shtypur protestat në rrugë", tha një ekspert i Kinës për Sky News.
Profesor Steve Tsang, drejtor i Institutit të Kinës SOAS, tha: "Xi Jinping do të urdhërojë partinë, qeverinë dhe policinë të bëjnë gjithçka që duhet për të rivendosur rendin në rrugë." Ai shton se nuk mendon se Xi "do t'i dorëzohet kërkesave të protestuesve" dhe do të lirojë kufizimet e Covid-it.
"Unë mendoj se Xi Jingping do ta trajtojë problemin në këtë fazë të hershme, kështu që ai nuk duhet të dërgojë tanke mbi protestuesit siç bëri paraardhësi i tij në 1989" tha Tsang.
Tsang thotë se mënyra se si Pekini i trajtoi protestuesit pro-demokracisë në Jong Kong në vitin 2019 tregon se Xi "nuk i mungon imagjinata për të gjetur mënyra të tjera për të frikësuar popullsinë lokale pa derdhur asnjë pikë gjaku". /Nacionale/
