FMN: Ekonomia ruse po i përballon sanksionet më mirë sesa pritej

Ekonomia e Rusisë është në gjendje më të mirë se sa pritej pas sanksioneve, tha FMN. Pavarësisht sanksioneve perëndimore të vendosura ndaj Moskës pas pushtimit të Ukrainës, ekonomia ruse duket se po përballet më mirë se sa pritej pasi përfiton nga çmimet e larta të energjisë, shtuan ata.

Sanksionet kishin për qëllim izolimin e Rusisë nga sistemi financiar global dhe mbytjen e mjeteve në dispozicion të Moskës për të financuar luftën.

Por raporti i fundit i FMN-së mbi ekonominë botërore rriti vlerësimin e produktit të brendshëm bruto të Rusisë për këtë vit me 2.5%, edhe pse ekonomia ende pritet të tkurret me 6%.

Pse nuk ishte rënia kaq e keqe?

“Është ende një recesion mjaft i madh në Rusi në vitin 2022”, tha për AFP shefi i ekonomisë së FMN-së, Pierre-Olivier Gourinchas.

Ai shpjegoi një arsye kryesore pse rënia nuk ishte aq e keqe sa pritej:

“Banka qendrore ruse dhe politikëbërësit rusë arritën të parandalojnë një panik bankar ose një krizë financiare kur u vendosën për herë të parë sanksionet, edhe pse rritja e çmimeve të energjisë siguron një sasi të madhe të ardhurash për ekonominë ruse”, tha ai.

Pas fillimit të vitit nën 80 dollarë për fuçi, çmimet e naftës u hodhën në afro 129 dollarë në mars përpara se të uleshin nën 105 dollarë sot, ndërkohë që çmimet e gazit natyror po rriten sërish dhe po i afrohen niveleve më të larta të fundit. /Nacionale/