"E nisi dhe e bitisi ditën me këtë gjë": Putini shfaqet në intervistë televizive, ripërsërit përkushtimin për luftën në Ukrainë
Presidenti i Federatës ruse, Vladimir Putin, është shfaqur në televizionin shtetëror rus për herë të parë prej që rebelimi i armatosur nga Wagneri kërcënoi t’ia rrëzonte regjimin, megjithëse komentet duket të jenë regjistruara para zhvillimeve të djeshme.
Putini në këtë adresim përsëriti përkushtimin e tij për luftën në Ukrainë, duke e quajtur “operacionin special ushtarak” si prioritetin kryesor.
Sipas Reutersit, ai ka thënë se “e nis dhe e bitis ditën me këtë gjë”.
Ai po ashtu u shpreh se ishte në “kontakt konstant” me zyrtarët e ministrisë së mbrojtjes, përcjell The Guardian.
Sipas Sky ndërkohë, Putin ka thënë që ka “besim” se do të realizohen të gjitha planet dhe “detyrat” në lidhje me atë që ende e quan si operacion special ushtarak në Ukrainë.
President Putin has made an address on state television across Russia to say he is "confident" in realising all his plans and "tasks" related to the "special military operation" in Ukraine, adding he "starts and ends [his] day with this".https://t.co/PAiZ4D1jU3
— Sky News (@SkyNews) June 25, 2023
📺 Sky 501 pic.twitter.com/RTpM3KXjoh
Komentet në intervistën me korrespondentin e Kremlinit Pavel Zarubin u transmetuan nga televizioni shtetëror Rossiya. Intervista e plotë pritet të transmetohet sot gjatë ditës.
Çka tjetër?
Presidenti Putin pritet të marrë pjesë në një takim të rregullt të këshillit të sigurisë javën tjetër.
Ish-kryeministri rus Mihail Kasyanov ka thënë që rebelimi i Wagnerit shënon “fillimin e fundit” për Vladimir Putinin.
Kasyanov ishte kryeministër rus prej vitit 2000 deri më 2004, dhe më pas u bë kritik i ashpër i Putinit. Ai u shpreh se presidenti rus ishte në “telashe shumë të mëdha tash.”
Ai u shpreh tutje se priste që lideri i Wagnerit, Yegeny Prigozhin, të shkonte në Afrikë pasi fillimisht udhëtoi për në Bellorusi.
