Dhjetëra të arrestuar gjatë protestave kundër dhunës ndaj grave në Stamboll

Dhjetra persona u arrestuan të dielën në Stamboll, ku u mbajt një protestë kundër dhunës ndaj grave, njoftuan organizatorët. Rreth 40 persona u arrestuan në Stamboll, sipas një grupi që e quan veten "Ne do të ndalojmë femicidin". Të premten, kur u festua Dita Ndërkombëtare kundër Dhunës ndaj Grave, policia ndaloi 200 persona, por nuk publikoi asnjë informacion tjetër.

Autoritetet lokale i ndaluan të dyja ngjarjet me arsyetimin se mbajtja e tyre do të prishte qetësinë në qytet. Grupi kërcënohet me procedim ligjor pasi ka shkelur ligjin dhe moralin duke organizuar protestën, sipas organeve të drejtësisë. Në vitin 2021, Turqia u tërhoq nga Konventa e Stambollit me iniciativën e Presidentit Recep Tayyip Erdogan.

Organizatorët e protestës përmendin vdekjen e 300 grave këtë vit që janë viktima të femicideve, që është vrasja e grave dhe vajzave për shkak të gjinisë së tyre.

Konventa e Stambollit, e cila u pranua në Stamboll në 2011 dhe hyri në fuqi në 2014, është mekanizmi i parë ligjërisht i detyrueshëm dhe gjithëpërfshirës ndërkombëtar për të luftuar dhunën ndaj grave dhe dhunën në familje. /Nacionale/