Tri herë dy vëllezër, pesë viktima në mes: Gjyqet e kësaj jave
"Vllaun mshel gjyqi ja patë dhanë tri vjet, thojke burgi osht për burra qe vjen puna shkoj apet.", Këto vargje të reperit Buta, për fatin e keq të tij, të vëllait Qendrimit e të viktimës Gazmend Hyseni u bënë realitet.
Qëndrim Januzi tash e dy vjet po mbahet në paraburgim, e po gjykohet për vrasjen e Gazmend Hysenit. Sipas aktakuzës më 28 maj 2022, në Ferizaj, në rrugën “Rexhep Bislimi”, afër një marketi Qëndrim Januzi, apo siç e thërret vëllau i rij repist “Rifa” me dashje dhe përgatitje paraprake kishte privuar nga jeta tani të ndjerin G.H.
Krejt kjo pasi i ndjeri besohet se ia dogji veturën reperit Buta.
Këtë javë, Qëndrimi para gjykatës u kërkoi falje familjarëve të Gazmendit.
E kur avokati i tij u lëshua në detaje, duket se ishte e rëndë për familjarët e viktimës, të cilët reaguan.
Avokati i Januzit ka thënë se ky i fundit ka qenë i provokuar e në ankth, nga tani i ndjeri.
Nexhat dhe Jeton Vllasaliu
E dy vëllezër të tjerë, por në këtë rast në bashkëkryerje dyshohet e vranë një biznesmen për 30 mijë euro. Nexhat dhe Jeton Vllasaliu dyshohet se për 30 mijë euro, e vranë e ia zhdukën trupin biznesmenit Bedri Rexhepi.
Seanca e kësaj jave nuk zgjati meqenëse mungoi një dëshmitar, por avokati i Nexhatit pati disa fjalë për paraburgimin e tij.
Gllogjani
Prapë dy vëllezër. Kësaj herë së bashku me babain, Halili Kreshnik e Kastriot Mehmetaj janë të dyshyuar për një vrasje të trefishtë. Në Gjykatën e Pejës u mbajt shqyrtimi gjyqësor për njërën nga vrasjet më misterioze, pas luftës në Kosovë. Dikush shtiu mbi autobusin që po shkonte për në Gllogjan, duke lënë të vdekur shoferin e autobusit e dy nxënës.
Prokuroria dyshon se kjo vrasje është bërë për qëllime hakmarrëse ndaj shoferit G. Gj., duke e lidhur këtë vrasje me “vetëvrasjen e H. M., në vitin 2020”, e cila ishte bija e të akuzuarit Halil Mehmetaj.
Sipas Prokurorisë, për këtë vetëvrasje që kishte ndodhur në familjen Mehmetaj, këta të fundit e kishin fajësuar shoferin G. Gj., i cili u vra në sulmin kundër autobusit në Gllogjan mbrëmjen e 26.11.2021.
Për këtë vrasje, këtë javë ka dëshmuar një banor i Gllogjanit, duke rrëfyer para gjykatës atë se çka kishte dëgjuar, vetëm pak çaste para vrasjes.
Për këto fjalë, dëshmitari u përballë me një sërë pyetjesh nga Avokatët.
Meqenëse kjo është vetëm një përmbledhje javore e punës tonë nëpër gjykata, ju ftoj që të gjitha këto raste që përmendëm e shumë raste të tjera, t’i përcillni çdo ditë në Nacionale.com e Nacionale Videos në Facebook. Si dhe në kanalin tonë Nacionale në Youtube.
