Sot 23 herë që dështon Kuvendi, të shtunën përsëritet ‘shfaqja’

Sot për herën e 23-të ka dështuar konstituimi i Kuvendit të Kosovës.

Vetëvendosja përmes kryesuesit të saj Avni Dehari, kërkon votimin e një komisioni që do të mundësonte votimin e fshehtë për kryeparlamentar ndërkohë që partitë ish-opozitare, kundërshtojnë votimin e fshehtë bashkë me emrin e Albulena Haxhiut për kryeparlamentare.

Shfaqja në Kuvend që është shndërruar thuajse në cirk, do të vazhdojë pasnesër, të shtunën e 31 majit 2025 në ora 10:30.