Nis dhe përfundon seanca pa interesim, deputetët dhe qeveritarët ikin tinëz një nga një: Kafja, muhabeti, telefoni...

Ishte thirrur seancë, por s’pati interesim.

Deputetët e opozitës lëshuan sallën një nga një.

PDK-ja ishte e para që lëshoi sallën.

Kjo pasi dy deputetë të tyre mbajtën nga një fjalim.

Ganimete Musliu dhe Ariana Musliu – Shoshi ishin të fundit që dolën.

Ulëset e PDK-së i “pushtoi” Artan Abrashi i VV-së, por edhe ky shkurt.

Tjerët flisnin në telefon ose mes vete.

Adnan Rrustemi sillej me një kafe në dorë që e bleu në bufe.

As pjesa tjetër e opozitës nuk qëndronte më mirë.

Nga ldk-ja në sallë qëndronin veç dy veta.

Armend Zemaj dhe Vlora Dumoshi.

Pak më mirë qëndronin aak-ja me disa deputetë që hynin e dilnin.

Edhe ulëset e minoriteteve ishin bosh.

Kabineti qeveritar gjithashtu iku.

Arbërie Nagavci, Arben Vitia dhe Artane Rizvanolli u panë në seancë.

Të dy ikën tinëz.

Pati momente kur mbeti vetëm Hekuran Murati.

Dukej se të gjithëve t’ju shkonte përshtati, andaj seanca ditore u mbyll.