Zyrtare: Reijnders nënshkruan me AC Milanin

AC Milan e ka zyrtarizuar arritjen e mesfushorit Tijjani Reijnders nga AZ Alkmaar.

“Rossonerët” janë përforcuar dukshëm që nga shitja e Sandro Tonalit, duke blerë fillimisht Ruben Loftus-Cheek nga Chelsea e tani edhe Reijnders.

24-vjeçari i është bashkuar klubit italian në një marrëveshje rreth 20 milionë euro plus bonuset, derisa nënshkroi kontratë pesëvjeçare, ku do të fitojë 1.7 milionë euro për sezon.

Milan e ka prezantuar lojtarin, i cili tani do t’i bashkohet klubit italian në fazën parapërgatitore me trajnerin Stefano Pioli dhe bashkëlojtarët e rinj, ku do ta mbajë numrin 14 në fanellë.

Holandezi edicionin e kaluar te AZ shkëlqeu duke shënuar shtatë gola dhe kontribuar me 12 asistime në 54 paraqitje në të gjitha garat.

Reijnders është transferimi i pestë i Milanit këtë verë pas Christian Pulisic, Ruben Loftus-Cheek, Luka Romero dhe Marco Sportiello.

Mirëpo, Milan nuk do të ndalet më kaq ngase do të provojnë edhe transferimin e një sulmuesi, me Danjuman dhe Adama Traore që ndodhen në listën e Piolit.