Zyrtare: Jetmir Topalli kalon te Manisa
Sulmuesi Jetmir Topalli ka kompletuar kalimin te skuadra turke Manisa FK.
Kosovari u largua nga Istanbulspor për të nënshkruar me klubin e Ligës së Parë turke.
Edhe pse mund të shihet si hap mbrapa në karrierë, Topalli ka deklaruar se është i lumtur me këtë lëvizje meqenëse klubi ka objektiva të qartë.
“Kam miq me të cilët kam luajtur më parë te Manisa. Erdha te një skuadër qëllimi i se cilës është Superliga, pra ta fitojmë kampionatin. Së bashku me bashkëlojtarët, do të punojmë fortë dhe të arrijmë qëllimin tonë”.
Ndërkohë, drejtori sportiv Nderim Nexhipi gjithashtu e sheh Topallin si transferimi adekuat.
“Jetmir Topalli ka luajtur në Turqi për shumë vite dhe e njeh ligën mirë. Ai është kampion në këtë ligë. Besoj se do ta përsëritë këtë sukses me fanellën e Manisas. I uroj një sezon të suksesshëm”, nënvizoi ai.
Manisa Futbol Kulübümüz, Kosova Milli Takımı oyuncusu Jetmir Topalli’yi kiralık olarak kadrosuna kattı. İmza töreninde konuşan Topalli, “Buraya şampiyonluk için geldim. Çok çalışıp hedefimize ulaşacağız” dedi.
— Manisa Futbol Kulübü (@ManisaFK) August 30, 2023
Detaylar 👉 https://t.co/IZqQ5Mf7pR pic.twitter.com/PjE8w1BNch
Kosovari në Turqi deri më tani kanë zhvilluar 148 paraqitje duke realizuar 38 gola dhe kontribuar me 13 asistime.
