Zyrtare: Alex Telles nënshkruan me Al Nassr

Tani më edhe zyrtare, Al Nassr ka kompletuar transferimin e mbrojtësit Alex Telles nga Manchester Unitedi.

Skuadra arabe ka arritur marrëveshje me gjigantin anglez për 30-vjeçarin, i cili ka zhvilluar 50 ndeshje në fanellën e “Djajve të Kuq”.

“Alex Telles kompleton transferimin nga Manchester Unitedi te Al Nassr. 30-vjeçari mbrojtës i krahut i është bashkuar Premierligës së Saudisë duke ndjekur 50 paraqitjet për të kuqtë”, shkroi Man Unitedi në komunikatë.

Telles nënshkroi me Unitedin nga Porto në tetorin e vitit 2020, por që nuk arriti ta fitojë vendin e titullarit në krahun e majtë, kësisoj pas dy sezoneve kaloi te Sevilla.

Me Sevillan, edicionin e kaluar Telles e fitoi Ligën e Evropës mirëpo klubi spanjoll nuk vendosi ta mbajë përfundimisht.

Kështu, Telles tani i bashkohet Cristiano Ronaldos te Al Nassr, futbollist me të cilin ka luajtur edhe te Man Unitedi.

Ndërkohë, Al Nassr është pranë transferimit edhe të sulmuesit së Bayern Munichut Sadio Mane.