Zyba: E falënderoj trajnerin sepse po na beson lojtarëve të Superligës
Mesfushori Qëndrim Zyba është ndarë i kënaqur me paraqitjen fantastike ndaj Izraelit.
Ylli i Ballkanit bëri një paraqitje solide, duke qenë “zemra e mesfushës”.
Pas ndeshjes për “Klan Kosova”, Zyba deklaroi se është ndier për mrekulli mirëpo s’e luajtën lojën më të mirë shkaku i gjendjes së rënduar të fushës.
“Jam ndje shumë mirë, emocionet kanë mbetur te ndeshja me Andorrën sepse kemi shpesh ndeshje të nivelit të lartë. Ta veshësh fanellën e kombëtares është ndjenjë e papërshkrueshme. Por, sonte ka qenë fusha e rënduar dhe nuk e luajtëm lojën më të mirë”.
“Kemi bërë paraqitje të mirë, e falënderoj trajnerin për besimin pra për lojtarët që vijnë nga Kosova. Iu premtoj se çdo minutë që e bëj do ta jap më të mirën në fushë”.
“S’është e lehtë por kur zemra ndjen për vendin tënd, nuk e ndien fare. Trajneri më ka pyetur sepse e di që kam udhëtuar shumë, por i thashë se ndihem mirë dhe vërtetë asnjëherë nuk jam ndjerë më i freskët”.
