Ylli i ri i Chelseat thotë se nuk dëshiron të krahasohet me Messin
Transferimi më i ri i Chelseat, Kendry Paez, i është përgjigjur krahasimeve që po i bëhen me fituesin e Kupës së Botës, Lionel Messin, duke thënë se nuk dëshiron të krahasohet me askënd.
Të kaltrit përfunduan një marrëveshje për mesfushorin me tipare sulmuese në vlerë mbi 20 milionë euro nga klubi ekuadorian Independiente del Valle. Megjithatë, ai nuk mund të bëjë lëvizjen në skuadrën e Premierligës derisa të mbushë 18 vjeç në vitin 2025. Paez, i cili tashmë po përmendet më shumë në Amerikën e Jugut ndonjëherë krahasohet me legjendën e futbollit Lionel Messi për shkak të aftësive të tij në pasim dhe driblim. Megjithatë, i riu nuk i ka pëlqyer edhe shumë këtë krahasime.
"Unë jam Kendry, do të bëj që Ekuadori të njihet me emrin tim. Unë do të vazhdoj të jem unë, nuk dua të krahasohem me Messin. Ai është shumë i veçantë, është më i miri. Unë jam 16 vjeç, ata nuk mund të më krahasojnë me të, sepse jam në një proces," tha Paez për ESPN SportsCenter.
.jpg?format=pjpg&auto=webp&width=3840&quality=60)
"Kam gjëra për të përmirësuar dhe për të fituar shumë përvojë. Më vonë, me kalimin e kohës, ndoshta me atë që fitoj, ndoshta me Kendry Paez, ekuadorianin. Jam unë dhe askush tjetër."
Paez është i emocionuar për lëvizjen e tij në Stamford Bridge, por mbetet i fokusuar në punën e tij me Independiente. Megjithatë, 16-vjeçari ka pranuar se do të jetë “e veçantë” për të që të ndajë fushën me fituesin argjentinas të Kupës së Botës, Enzo Fernandez.
“Nuk ndjej presion, jam i fokusuar te Independiente, te Libertadores dhe të përpiqem të vazhdoj të luaj në mënyrën më të mirë”, shtoi ai. “Për të arritur atje duhet të vazhdoj të punoj, të jem i fokusuar në të mësuarit. Do të jetë diçka e veçantë të ndaj gjëra me lojtarë si Enzo, me lojtarë të tjerë të veçantë. Është e mrekullueshme, por tani jam i përqendruar te Independiente del Valle. Kanë mbetur edhe dy vite, e di që do të kalojë shpejt dhe do të vazhdoj të bëj gjërat e mia këtu."
Paez u thirr në skuadrën e parë të Ekuadorit për miqësoret e tyre kundër Bolivisë dhe Kosta Rikës, por u desh të tërhiqej pasi atij iu mohua viza nga Shtetet e Bashkuara. Ai do të kthehet te klubi i tij kundër El Nacional në Liga Pro më 17 qershor.
