Xavi reagon rreth ‘darkës’ me Messin, Jordi Alban dhe Sergi Busquets
Trajneri i Barcelonës, Xavi Hernandez, ka folur rreth ‘darkës’ ku ai u takua me Lionel Messin, Jordi Alban dhe Sergio Busquets, duke thënë se ai ka ngrënë ëmbëlsirë dhe jo darkë, pas aludimeve për rikthimin e Messit në Barcelonë
Sulmuesi argjentinas ende nuk ka nënshkruar zgjatjen e kontratës me Paris Saint-Germain dhe largimi i tij nga klubi duket gjithnjë e më i mundshëm. Mes spekulimeve për një rikthim të mundshëm te Barça, Messi u pa duke darkuar me ish-shokët e skuadrës, gjatë një vizite në qytetin e Barcelonës këtë javë. Trajneri i Barcelonës, Xavi, u pyet për takimin e tyre në konferencën e tij të fundit për shtyp dhe ai dha një përgjigje të hapur.
.jpg?format=pjpg&auto=webp&width=3840&quality=60)
“Unë kam ngrënë ëmbëlsirë me të më vonë (qesh). Jo nuk më kanë thënë asgjë”, tha Xavi për një bisedë të mundshme për rikthimin e Messit.
I pyetur për një përditësim mbi rikthimin e mundshëm të Messit në Camp Nou ai shtoi: “Janë hipoteza. Ne duhet të fokusohemi në Ligë. Nuk është koha, nesër jemi përballemi me Rayo Vallecano.”
Barcelona ka pranuar publikisht në javët e fundit se dëshiron të rikthejë Messin në klub dhe thuhet se drejtuesit janë në negociata aktive për të siguruar një rikthim të bujshëm në shtëpi për legjendën e klubit. Sidoqoftë, gjendja e tyre e rëndë financiare është një pengesë e madhe dhe rregulloret e La Ligës e komplikojnë më tej çështjen.
I pyetur nëse Barcelona pret që La Liga të ndihmojë në rikthimin e Messit, Xavi u përgjigj: “Është një pyetje për presidentin e La Ligës. Jeni gabim se kë po e pyesni. Janë disa rregullore dhe unë nuk shoh ndihmë. Janë rregullat dhe duhet të respektohen.”
Messi ka një vendim për të marrë në verë dhe vizitat e tij të shpeshta në Barcelonë që nga fillimi i vitit i kanë bërë tifozët katalunas optimist. Megjithatë nuk ka asgjë konkrete për momentin dhe kapiteni i Argjentinës ndeshjen e radhës e zhvillon në Ligue 1 të dielën, kundër Lorient./Orselina Lazraj
