VIDEO: Rudiger i pickon thimthën ish-bashkëlojtarit te Chelsea gjatë gjysmëfinales së Superkupës së Spanjës

Mbrojtësi i Real Madridit, Antonio Rudiger, bëri një veprim të çuditshëm, duke ia pickuar thimthën ish-bashkëlojtarit të tij te Chelsea, Alvaro Morata, gjatë përballjes në Superkupën e Spanjës, ku Real Madrid fitoi 5:3 ndaj Atletico Madrid.

Mes një gjysmëfinaleje emocionuese të Superkupës së Spanjës, ku Los Blancos dolën triumfues ndaj rivalëve të tyre në qendër të qytetit me rezultat 5:3, Rudiger erdhi në qendër të vëmendjes për një veprim të çuditshëm. I njohur për qasjen e tij jokonvencionale kundër sulmuesve të kundërshtarëve, veprimet e fundit të Rudiger zemëruan Moratan pasi qendërmbrojtësi e pickoi në thithkën e tij pas një dueli ajror gjatë një goditjeje. Sulmuesi ishte i mërzitur me Rudiger dhe e shtyu shpejt me tërbim dhe neveri.

Rudiger në këtë takim shënoi për të dy skuadrat. Fillimisht barazoi rezultatin në minutën e 20-të, ndërsa çoi Atleticon në epërsi në pjesën e dytë me një autogol të shënuar në minutën e 78-të. Carvajal e shpëtoi skuadrën e tij, duke çuar ndeshjen në vazhdime, teksa në 30 minutat e ardhshëm Real Madridi shënoi dy herë për t'u kualifikuar në finale.

Skuadra e Carlo Ancelottit tani është në pritje të fituesve të gjysmëfinales së dytë mes Barcelonës dhe Osasuna. Ndeshja do të luhet të dielën në stadiumin Al-Awwal në Riad, i cili është shtëpia e Al-Nassr të Cristiano Ronaldos.