Valverde: Më dhimbset sepse s’u regjistrua si gol i imi
Mesfushori Federico Valverde ka deklaruar se i vjen keq që s’iu regjistrua si gol ai eurogol nga distanca, por është i lumtur me pikët e plota.
Uruguaiani kishte rolin vendimtar në fitoren e “Los Blancos” pasi goditjen e tij nga distanca Meret e dërgoi brenda rrjetës, gol ky që i dha Realit pikët e plota në “Diego Maradona”.
Pas ndeshjes për “Movistar”, Valverde tregoi se edhe një kundërshtari e ngacmoi duke i thënë se nuk ishte gol i tij.
“Më dhimbset pak sepse e shikova tabelën lartë dhe nuk thoshte Valverde. Një kundërshtar më tha se s’ishte i imi... por gjëja më e rëndësishme se i morëm pikët e plota”.
“Ndeshje shumë e mirë, mot spektakular dhe gjëja më e rëndësishme është që fituam. Dominuan në pjesën e parë, fatkeqësisht në minutat e parë vuajtëm dhe pas penalltisë ishim mbrapa. Është normale, por duhet të luajmë më mirë në minutat e parë”.
Real Madrid tani është lider i vetëm në grup me gjashtë pikë.
