Tyson Fury i bën thirrje Chisoras ta pranojë ofertën: Eja, mos ik si pulë
Tyson Fury i ka bërë thirrje Derek Chisoras ta pranojë ofertën e tij për të luftuar me të në trilogji, duke dhënë se bashkatdhetari i vet nuk duhet të ikë si pulë.
Fury, kampion i botës në kategorinë e rëndë në WBC, tha pas fitores kundër Dillian Whyte në prill se po pensionohej nga boksi.
Por duke folur në Instagram të martën, Fury zbuloi se i ka bërë ofertë boksierit veteran Chisora, të cilin e kishte rrahur dy herë në të kaluarën.
“Derek, ju po ikni nga trilogjia. Ju e quani veten luftë, duhet të quani veten pulë”, tha Fury për Chisoran.
Fitorja kundër Pulevit ishte e para pas tri disfatave radhazi për Chisoran, i cili pas meçit tha se do të dëshironte të luftonte kundër Deontay Wilderit apo Tyson Furyt.
“Nënshkruaje kontratën”, i bëri thirrje Fury atij, duke i konfirmuar lajmet se ai është duke menduar seriozisht të rikthehet në ring.
Fury e kishte mposhtur Chisoran me pikë në vitin 2011, para se ta rrihte atë edhe në rimeç tri vite më vonë.
Promotori i Chisoras, Eddie Hearn, konfirmoi javën e kaluar se Chisora kishte marrë ofertë nga kampi i Furyt, të cilën e ka hedhur poshtë sepse “nuk kishte para të mjaftueshme”.
Duket se mundësia që Fury të luftojë sërish po rritet me kalimin e ditëve.
Promotori Frank Warren tha javën e kaluar se Fury mezi pret të rikthehet në ring dhe beson se klienti tij dëshiron ta sfidojë fituesin e meçit mes Anthony Joshuas dhe Oleksandr Usyk, në një luftë për kampionin e padiskutueshëm të botës në kategorinë e rëndë.
