Tuchel u drejtohet tifozëve të Anglisë: Do të tentojmë ta fitojmë yllin e dytë në fanellë

Thomas Tuchel i është drejtuar tifozëve të Anglisë me një mesazh pas emërimit të tij në krye të Tre Luanëve.

Federata e Futbollit konfirmoi të mërkurën se trajneri gjerman është emëruar trajner i ri i kombëtares së Anglisë. Ai ka nënshkruar një marrëveshje 18-mujore që zgjat deri në fund të Kupës së Botës 2026, e cila do të mbahet në ShBA, Meksikë dhe Kanada. Ish-trajneri i Chelseat dhe Bayern Munich do të marrë detyrën me skuadrën e Anglisë nga 1 janari 2025.

Pasi u emërua si shefi i ri i Tre Luanëve, Tuchel ndau një video mesazh për tifozët anglezë nga Wembley teksa tha: "Përshëndetje djema, Thomas këtu. Shumë nervoz, është mesazhi im i parë si trajneri i Anglisë. Unë jam në Wembley, ku tjetër? Ka arsye për të qenë paksa nervoz, mendoj se kjo është një gjë e mirë. Mund t'ju premtoj se jam shumë i emocionuar. Jam shumë i nderuar dhe do të bëj gjithçka për të siguruar që ne të mund të kualifikohemi në Kupën e Botës para së gjithash, dhe më pas të kemi një Botëror të suksesshëm, të përpiqemi të marrim një yll të dytë në fanellën tonë. Të gjitha të mirat dhe shihemi së shpejti në stadium”.

📩 (1) new message from Thomas Tuchel. pic.twitter.com/ADTVUHpnRN

— England (@England) October 16, 2024

FA u përball me kritika për zgjedhjen e Tuchel nga ish-trajneri i Tottenham, Harry Redknapp, i cili mendoi se emërimi i një gjermani mbi një kandidat anglez ishte i padrejtë. Ai gjithashtu ngriti pyetje mbi rekordin e Tuchel në nivelin më të lartë.

Trajneri i përkohshëm Lee Carsley do të menaxhojë Harry Kane dhe të tjerët për dy ndeshje të tjera, të cilat janë kundër Greqisë dhe Irlandës më 14 dhe 17 nëntor, përkatësisht në Ligën e Kombeve, përpara se Tuchel të marrë zyrtarisht drejtimin në vitin e ri.