Trajneri i një skuadre në MLS kërkon nga gjyqtarët ta mbrojnë Messin – “Ai duhet të ketë trajtim të njëjtë si Jordani”
Trajneri i një klubi në MLS, ka thënë se Lionel Messi duhet të mbrohet siç ishte mbrojtur dikur Michael Jordan nga gjyqtarët.
Messi tronditi botën e futbollit muajin e kaluar kur njoftoi vendimin e tij për t'u bashkuar me Inter Miami pas largimit nga PSG. Biseda tani është kthyer tek mënyra se si gjyqtarët do të mbrojnë një nga lojtarët më të mëdhenj të të gjitha kohërave nga ndërhyrjet e ashpra.
Një trajner i paidentifikuar i tha The Athletic: "Ai duhet të marrë trajtimin [Michael] Jordan. Atij duhet t’i ndalet çdo ndërhyrje."
.jpg?format=pjpg&auto=webp&width=3840&quality=60)
Sipas ish-mbrojtësit të Atletico Madrid, Felipe Luis, Messi mori trajtim të favorshëm gjatë kohës së tij në Barcelonë. "Ai ishte i mbrojtur nga shtypi dhe nga liga," tha Luis. "Unë besoj se ata nuk duan që një nga lojtarët e tyre më të mirë të të gjitha kohërave të lëndohet dhe të mos luajë."
Messi nuk është ylli i parë botëror që i bashkohet një klubi të MLS, por sipas gjyqtarit Robert Sibiga, prania e shtatë herë fituesit të Topit të Artë mund të ushtrojë presion shtesë mbi gjyqtarët.
"Nuk është niveli i David Beckham, apo Zlatan," tha Sibiga. "Ky është një nivel tjetër. Si gjyqtarë, gjëja e fundit që dëshironi të jeni është të shiheni duke prishur lojën ose duke lejuar lojtarë që kanë shumë më pak talent dhe përvojë për t'i bërë diçka një lojtari si Lionel Messi".
Messi aktualisht po shijon pushimet me familje dhe pritet të prezantohet nga klubi i tij i ri më 16 korrik. Me Inter Miamin në fund të Konferencës Lindore, fituesi argjentinas i Kupës së Botës sigurisht që do të ketë punë për të bërë.
