Tifozë anglezë të pranishëm në “Fadil Vokrri” për ta parë Kosovën

Përveç tifozëve kosovarë, në “Fadil Vokrri” janë të pranishëm edhe disa tifozë anglezë që kanë vendosur ta shikojnë nga afër ndeshjen Kosovë – Bjellorusi.

“Dardanët” po zhvillojnë ndeshjen e fundit të ciklit kualifikues për “Euro 2024”, ku synohet vetëm fitorja ndaj bjellorusëve.

Nga afër, janë duke e parë ndeshjen edhe disa tifozë anglezë që kishin udhëtuar për ta përcjellë kombëtaren e tyre të hënën ndaj Maqedonisë së Veriut dhe tani janë rikthyer në Kosovë.

Nacionale ka siguruar disa fotografi të tifozëve brenda stadiumit, derisa një numër i tyre janë parë nëpër kafenë, ku si zakonisht festonin me birra.

Ndërkohë, rezultati është i barabartë 0:0.