Ten Hag: Humbja ndaj Liverpoolit mbetet në të kaluarën
Trajneri i Manchester Unitedit, Erik ten Hag, ka thënë se humbja e tmerrshme ndaj Liverpoolit me rezultat 7:0 ka mbetur në të kaluarën dhe nuk do të ndikojë në të ardhmen e skuadrës, teksa puna për forcimin e skuadrës po vazhdon.
Ten Hag shpreson se do të ketë ardhje të reja në afatin kalimtar të verës dhe thotë se humbja nuk do të ndikojë në planet e tij të së ardhmes. Holandezi mendon se ekipi i tij tashmë ka lëvizur nga ndeshja në Anfield dhe është plotësisht e fokusuar në vizitën e Southamptonit të dielën.
"Ka një proces që vazhdon dhe tashmë ai rezultat është në të kaluarën. Për momentin fokusi kryesor është, ndeshje pas ndeshjes. Ndeshja e parë është gjithmonë më e rëndësishmja dhe kjo është me Southampton," tha ai. "Ne nuk po shikojmë mbi supet tona. Ne duhet të përqendrohemi në procesin tonë dhe ajo që të tjerët po bëjnë nuk është për ne. Ne duhet të përmirësojmë lojën tonë dhe çdo lojtar duhet të përmirësohet. Ne duhet të fitojmë dhe ta bëjmë këtë ndeshje pas ndeshjes."
.jpg?format=jpg)
Skuadra e Ten Hag tashmë është rikthyer nga ‘fatkeqësia’ e tyre në Merseyside, duke mposhtur Real Betisin 4:1 në ndeshjen e parë të 1/8 së finales në Ligën e Evropës. Djajtë e Kuq do të shpresojnë të shtojnë trofetë e tyre me një titull evropian dhe më pas pritet të jenë aktivë në afatin kalimtar të verës. Unitedi dëshiron dy nënshkrime të mëdha, me një sulmues qendre që është prioritet kryesor.
United humbi 7:0 në Liverpool herën e fundit në Premierligë dhe nuk ka humbur ndeshje të njëpasnjëshme në ligë që nga maji/gushti i vitit të kaluar (4 radhazi). Shtatë golat e tyre të pranuar në atë humbje ishin vetëm një më pak se sa pranuan në 10 ndeshjet e tyre të mëparshme të ligës së bashku (8).
Skuadra e Ten Hag pret Southampton në Premierligë sot dhe më pas shkon në Betis për ndeshjen e dytë të 1/8 të finales së Ligës së Evropës, për të siguruar kalimin në çerekfinale.
