Vendos Ten Hag, Man United e bën prioritet Harry Kane para Victor Osimhen
Trajneri Erik ten Hag e ka bërë prioritet te Manchester Unitedi nënshkrimin e yllit të Tottenhamit, Harry Kane në verë.
E ardhmja e anglezit mesa duket është larg Londrës pas eliminimit që Spurs pësuan nga AC Milani në mesjavë në Ligën e Kampionëve, duke ndikuar që të kaloi sezoni i 15-të pa trofe.
Kane është një ndër opsionet që po konsiderohet te "Djajtë e Kuq" pranë yllit të Napolit, Victor Osimhen dhe atij të Benficas, Gonçalo Ramos.
“Manchester Evening News” raporton se Ten Hag preferon nënshkrimin me 29-vjeçarin dhe tashmë e ka njoftuar bordin e klubit.
Manchester City provoi nënshkrimin me Kane në vitin 2021, por të katër ofertat u refuzuan nga Tottenhami. Kështu, kampioni i Anglisë zgjodhi të nënshkroi me Erling Haaland dhe Julian Alvarez.
Bayern Munich gjithashtu kanë shprehur pëlqim, por United shpreson që ambiciet e Kane për të qenë golashënuesi më i mirë në Premierligë do të ndikojnë që ai të qëndrojë në kampionatin anglez.
Duke qenë se kontrata i skadon në verë, Man United shpreson që Tottenham ta shesë Kane nën vlerën e 100 milionë funteve.
Kontaktet tani thuhet se kanë nisur por ende një përgjigje nga përfaqësuesit e lojtarit nuk është dhënë.
