“Tani kemi një problem” – Trajneri i Gremios konfirmon se Suarezi e dëshiron ribashkimin me Messin te Inter Miami
Luis Suarez tani po i shkakton jo pak probleme skuadrës braziliane Gremio, pasi uruguaiani po e dëshiron transferimin e tij te Inter Miami për t’u ribashkuar me Lionel Messin, kështu të paktën thotë trajneri i tij Renato Gaucho.
Skuadra nga MLS dëshiron të ribashkojë sulmuesin uruguaian me ish-bashkëlojtarin e tij të Barcelonës, Lionel Messi, pasi konfirmoi ardhjen e argjentinasit këtë muaj. Suarez dëshiron të bëjë lëvizjen në Shtetet e Bashkuara, pranon trajneri, por Gremio heziton ta lërë të largohet dhe situata është bërë problematike.
"Suarez tani është një problem që është në duart e presidentit. Ata po shkëmbejnë ide. Si trajner duhet të fokusohem në drejtimin e ekipit," tha fillimisht trajneri në një konferencë për shtyp. "Duket si një telenovelë meksikane që duhet të përfundojë tani. Deri më 2 gusht do të jem i qetë, pastaj do të shohim se si do të vazhdojmë."
Ai shtoi: "Sigurisht që ne duam që Suarez të qëndrojë. Unë nuk mund të garantoj për të. Unë e di se çfarë mendon ai dhe çfarë mendon klubi. Për momentin, ai ka folur me bordin dhe presidentin."
Suarez, 36 vjeç, kaloi gjashtë vjet duke luajtur përkrah Messit te Barcelona dhe fitoi Ligën e Kampionëve së bashku me katër tituj të La Ligës. Nëse ai bashkohet me Inter Miamin këtë verë, ai gjithashtu do të bashkohet me ish-bashkë yjet e Barçës, Sergio Busquets dhe Jordi Alba në klubin nga Florida, që udhëhiqet nga Tata Martino që dikush ishte trajner i Barcelonës.
