Southampton bie nga Premierliga 10 vite pasi u promovuan
Southampton do të luajë në Championship sezonin e ardhshëm, pasi tani edhe matematikisht janë shuar gjasat për mbijetesë.
Pas arritjes së promovimit në sezonin 2012-13, ‘Shenjtorët’ tani kanë rënë nga kategoria pas 10 viteve, pasi kanë humbur 2:0 në shtëpi ndaj Fulham këtë fundjavë.
Humbja i lë Ruben Selles dhe lojtarët e tij me 24 pikë me vetëm dy ndeshje të mbetura, tetë pikë larg Evertonit, i cili ndodhet në vendin e 17-të në elitën angleze, pak mbi zonën e rënies. Sigurisht, trajneri aktual nuk është vetëm fajtor i vetëm në rezultatet e dobëta këtë sezon.
Ka qenë një dekadë e mbushur me disa ngritje dhe ulje reale për Southamptonin pasi Mauricio Pochettino i ndihmoi ata të hynin në top-10 gjatë periudhës së tij. Argjentinasi i udhëhoqi ata në vendin e tetë përpara se Ronald Koeman ta merrte skuadrën për disa sezone, duke i çuar ata në një përfundim më të lartë ndonjëherë në PL, në vendin e gjashtë në sezonin 2015-16. Ata gjithashtu arritën finalen e Carabao Cup në 2017 nën drejtimin e Claude Puel, duke humbur 3:2 nga Manchester United, pavarësisht se ishin duke barazuar deri në minutat e fundit me dy golat e legjendës, Manolo Gabbiadini.
Kapiteni i klubit James Ward-Prowse i tha BBC-së: "Ne duhet të largohemi individualisht dhe si klub dhe të vlerësojmë nëse kemi bërë gjithçka që mundëm. Unë nuk mendoj se kemi bërë dhe kjo është një turp. Mendoj se si ekip dhe klub në përgjithësi ne do të mendojmë për sezonin që ka kaluar. A kanë qenë vendimet e drejta? A kemi bërë gjithçka që mundëm në fushë? Unë mendoj se ne duhet të paraqitemi në një nivel më të mirë se sa kemi bërë. Nga dita e parë e sezonit e deri më tani mund të dalloni se standardet kanë rënë."
Shenjtorët pësuan jo një, por dy humbje poshtëruese 9:0 në harkun kohor të dy sezoneve. Ata humbën me atë rezultat ndaj Leicesterit në tetor 2019, përpara se të shkatërroheshin nga Manchester United në Old Trafford në vitin 2021.
Ka të ngjarë që Southampton do të humbasë disa lojtarë kyç këtë verë – me Ward-Prose dhe Romeo Lavia të lidhur me largime – ndërkohë që mbetet e paqartë nëse Selles do t'i besohet për t'i udhëhequr ata në kampionat sezonin e ardhshëm.
