S’kaluan as 24 orë nga shkarkimi, Graham Potter refuzon klubin e Premierligës

Nuk kanë kaluar as 24 orë që nga shkarkimi prej Chelseas, mirëpo trajneri Graham Potter tashmë ka refuzuar ofertën e parë, atë të Premierlgiës.

Potter që u shkarkua të dielën mbrëma pritet të merr një pushim për një kohë, kështu se paku raporton "TalkSport".

Leicester City ishte skuadra e interesuar për tekniku anglez dhe pasi ndërprenë bashkëpunimin diskutuan me përfaqësuesit e trajnerit, por përgjigja ishte negative.

Potter nuk ishte i interesuar që të bëhet menjëherë me skuadër të re, prandaj do të pres së paku deri në verë.

Futboll / Zyrtare: Chelsea shkarkon Graham Potterin

Anglezi e nisi më së miri jetën në "Stamford Bridge" duke fituar pesë nga gjashtë ndeshjet e para, si dhe ishte i pamposhtur në nëntë ndeshjet hapëse.

Sidoqoftë, rezultatet e këqija në kohën e fundit në Premierligë, si dhe eliminimi nga Manchester City në FA Cup dhe Carabao Cup ndikuan që të shkarkohet menjëherë.

Bruno Saltor do të jetë trajner i përkohshëm, i cili do ta drejtojë klubin ndaj Liverpoolit të martën mbrëma.

Ndërkohë, në listën e Chelseas për në verë ndodhen trajnerët si Julian Nagelsmann dhe Mauricio Pochettino.