Simeone: Do ta doja një transferim të Mbappes te Real Madridi
Trajneri i Atletico Madridit, Diego Simeone, ka thënë se do të dëshironte të shihte Real Madridin që ka arritur marrëveshje me yllin e Paris Saint-Germain, Kylian Mbappe.
Sulmuesi i PSG-së tashmë ka refuzuar një ofertë monumentale nga Al Hilal, e cila thuhet se ishte 700 milionë euro, pasi besohet se ai e ka vendosur për një lëvizje në Santiago Bernabeu. Nëse Mbappe me të vërtetë përfundon një lëvizje te Real Madridi, do t'i ndihmonte ata të zëvendësonin Karim Benzema, i cili ka marrë një sfidë të re në Arabinë Saudite dhe të forconte më tej linjën e tyre sulmuese. Megjithatë, Simeone nuk është i shqetësuar për fuqinë në rritje të rivalëve të tij dhe në vend të kësaj ka insistuar se ai do të mirëpriste lëvizjen e Mbappes në Spanjë.
"Do të më pëlqente, do të ishte e jashtëzakonshme për Ligën, në mënyrë që të vazhdojë të jetë një nga më të mirat. Të gjithë futbollistët që mbërrijnë në Spanjë fuqizojnë ligën tonë. Madridi nuk ka asnjë problem ekonomik për ta përballuar. Sigurisht nëse jo këtë vit, vitin tjetër do të konkurrojmë kundër tij”, tha trajneri i Atleticos për AS.
I pyetur nëse Reali do të bëhej e pamposhtur me Mbappen në radhët e tyre, Simeone shtoi: "Varësisht se si e shikoni. Ne kemi fituar një Ligë kundër [Lionel] Messi, [Andres] Iniesta, Alexis [Sanchez], Xavi, [Sergio. Busquets... [Cristiano] Ronaldo, [Gareth] Bale, Benzema... Është futboll, jo emra".
Pas një rivaliteti të lulëzuar Cristiano Ronaldo dhe Lionel Messin që përfshinte dy dekadat e fundit, Mbappe dhe Erling Haaland i Manchester Cityt janë supozuar të jenë dy lojtarët kryesorë të gjeneratës së ardhshme. Megjithatë, Simeone ka refuzuar të krahasojë dy sulmuesit shpërthyes.
"Asgjë për të bërë, ata janë të ndryshëm," tha ai. "Haaland është një kafshë para goli, ai është perfeksion në atë pozitën që luan.
Në anën tjetër, saga e transferimit të Mbappes ka të ngjarë të vazhdojë deri në gusht, pasi Real Madridi thuhet se ka adoptuar një qasje të pritjes dhe shikimit në mënyrë që ata të mund ta detyrojnë PSG-në të pranojë një ofertë të reduktuar më vonë në përfundim të afatit kalimtar. Chelsea dhe Liverpool gjithashtu besohet të jenë të interesuar për shërbimet e tij.
