“Silleni atë” – Ramsdale e mirëpret konkurrencën për numrin 1, pasi Arsenali arriti marrëveshje me Rayan për 40 milionë euro
Portieri i Arsenalit, Aaron Ramsdale, është i gatshëm të luftojë për pozitën e titullarit te topçinjtë, me këta të fundit që kanë arritur marrëveshje për të transferuar portierin spanjoll të Brentford, David Raya.
Arsenali është i vendosur të nënshkruajë me portierin e Brentford Raya për 40 milionë euro. Spanjolli, 27 vjeç, do të mbërrijë në Emirates Stadium për të sfiduar Ramsdale për numrin një në portë, me portierin e dytë të deritanishëm Matt Turner që do t'i bashkohet Nottingham Forest në formë huazimi. Tani, 25-vjeçari, i cili filloi të gjitha ndeshjet e Topçinjve në Premierligë sezonin e kaluar, ka mirëpritur mundësinë për ta bërë atë të jetë zgjedhja e parë midis portës.
"Silleni. Asgjë nuk vjen lehtë në futboll. Por në të njëjtën kohë ju duhet të ecni përpara dhe të përshtateni gjithashtu. Unë e kam bërë këtë me njerëzit e tjerë kur kam kaluar në klube," tha Ramsdale për ITV Sport kur u pyet për ardhjen e mundshme të Raya. "Unë nuk do të mendoj se nuk do të më ndodhë kurrë. Pra, po, mendoj se nëse ndodh, do të ndodhë dhe pastaj do të luftojmë dhe do ta bëjmë njëri-tjetrin ta japë versionin më të mirë të vetes sepse kjo është çfarë po na thotë edhe trajneri.
“Jam i sigurt se kushdo që luan, unë, Matt [Turner], kushdo që të hyjë, njerëzit do të qeshin, por kjo është një gjë e vërtetë dhe zhgënjimi juaj individual do të largohet dhe ju do të vendosni ekipin në radhë të parë dhe ju do ta vendosni atë portierin të parin gjithashtu”.
Ramsdale mbajti 13 herë portën e paprekur për Arsenalin në Premierligë në sezonin 2022-23, por trajneri Mikel Arteta thuhet se është bërë më i shqetësuar për disa aspekte të lojës së tij. Lëvizja e Arsenalit për Raya mund të jetë një shenjë se Arteta nuk ka besim të plotë te reprezentuesi anglez, ose ai mendon se ish-lojtari i Sheffield United ka nevojë për një konkurrencë për të rritur nivelin e tij.
Raya, i cili mbajti 11 porta të paprekura sezonin e kaluar dhe kishte përqindjen më të mirë të pritjeve në elitë me 77.7% (me Ramsdale me 70.6), duket se do të zyrtarizohet si lojtar i Arsenalit këtë javë. Topçinjtë e nisin sezonin e tyre në Premierligë të shtunën, më 12 gusht, kundër Nottingham Forest. Të gjithë sytë do të jenë te kush e nis në portë kundër skuadrës së Steve Cooper këtë fundjavë.
