Shtohen telashet për Barcelonën, Lewandowski mungon në El Clasico
Robert Lewandowski do të mungojë në El clasico, pasi e pësoi një lëndim muskulor në disfatën e Barcelonës kundër Almerias të dielën në La Liga.
Barcelona njoftoi të hënën se sulmuesi i vet polak e ka tërhequr muskulin (hamstring) dhe si pasojë do të mungojë për një kohë të papërcaktuar.
“Lojtari i ekipi të parë, Robert Lewandowski, ka tërheqje muskulore në këmbën e majtë. Ai do të mungojë dhe riaftësimi i tij do të përcaktojë se kur do të kthehet ai”, njoftoi Barça në rrjetet sociale.
Lewandowski do të mungojë në përballjen e Barcelonës me Real Madridin në ndeshjen e parë gjysmëfinale në Kupën e Mbretit këtë të enjte.
𝗖𝗼𝗺𝘂𝗻𝗶𝗰𝗮𝗱𝗼 𝗺𝗲́𝗱𝗶𝗰𝗼
— FC Barcelona (@FCBarcelona_es) February 27, 2023
El jugador del primer equipo Robert Lewandowski tiene una sobrecarga en el bíceps femoral del muslo izquierdo. Es baja y su evolución marcará su disponibilidad pic.twitter.com/5MdnF30B04
Lëndimi i Lewandowskit është një goditje e rëndë për katalonasit para ndeshjes së rëndësishme me rivalin e përbetuar.
35-vjeçari është golashënuesi më i mirë i Barçës këtë sezon, me 25 gola në 31 ndeshje.
Përveç tij, trajneri Xavi do të jetë edhe pa yjet e tjera si Pedri dhe Ousmane Dembele, të cilët do të mungojë deri kah mesi i marsit.
Humbjes e njëpasnjëshme kundër Manchester Unitedit në Ligën e Evropës dhe kundër Almerias në La Liga, vijnë në prag të përballjes me Real Madridin në ndeshjen e parë të kupës më 2 mars.
