Shorti i Ligës së Evropës: Manchester Unitedi e pret Real Betisin, Arsenali udhëton te Sporting Lisbona
Ka përfunduar hedhja e shortit të Ligës së Evropës për 1/8 e finales në Nyon të Zvicrës. Tetë skuadrat fituese nga play-off do të përballen me skuadrat e vendeve të para të grupeve. Dy ndeshjet më interesante padyshim që janë ajo mes Manchester United e Real Betis dhe Arsenal e Sportin Lisbona.
Me të filluar nga ky vit, Liga e Evropës ndryshoi paksa format, ku skuadrat nga vendet e para në grupe do të kualifikoheshin direkt në 1/8 e finales, ndërsa vendet e dyta do të përballeshin me vendet e treta të Ligës së Kampionëve në play-off për të siguruar një vend në mesin e 16 skuadrave më të mira.
Shorti i mbajtur në Nyon të Zvicrës nuk prodhoi ndonjë duel gjigantësh, por ndeshjet Manchester United, Arsenal e Juventus mësuan kundërshtarët e tyre.
Legjenda hungareze, Zoltan Gera, ishte ai që u mor me shortin dhe tetë përballjet në Ligën e Evropës në 1/8 e finales janë këto:
Union Berlin – Union Saint-Gilloise;
Sevilla – Fenerbahce;
Juventus – Freiburg;
Leverkusen – Ferencvaros;
Sporting – Arsenal;
Manchester United – Real Betis;
Roma – Sociedad;
Feyenoord – Shakhtar.
Ndeshjet e para do të zhvillohen më 9 mars, ndërsa ato të kthimit më 16 mars. Skuadrat vendase do të jenë ato të renditura sipas shortit.
Për çerekfinale do të ketë sërish short, i cili do të hidhet më 17 mars, pasi të mësohen tetë fituesit e përballjeve të 1/8 së finales.
