Shkëlqesia e Federerit bën ndikimin e vet gjatë nderimit në Wimbledon

Tetë herë kampioni i Wimbledonit, Roger Federer, mund të ketë qenë në Fushën Qendrore vetëm si mysafir, por shkëlqesia e tij e madhe u ndje nga ata që po garonin të martën.

Kampionia në fuqi e grave, Elen Rybakina, tha se prania e Federerit – për një ceremoni për shënimin e arritjeve të tij – e kishte bërë atë nervoz.

Numri një i botës te burrat, Carlos Alcaraz, ishte paksa xheloz pasi zvicerani i pensionuar nuk ishte aty për ta shikuar lojën e tij.

Andy Murray, ndërkohë, e quajti të mahnitshme praninë e Federerit në Wimbledon.

“Ishte e mahnitshme që kishim këtu anëtarë të familjes mbretërore dhe mbretërorë të tenisit, po ashtu”, tha Murray për Federerin, i cili ishte ulur pranë Princeshës së Uellsit.

“Është e mahnitshme që Rogeri po e përkrah këtë ngjarje”.

Federeri u prit me brohoritje nga tifozët e dashur në Fushën Qendrore gjatë ceremonisë së veçantë në ditën e dytë të grand slamit me bar për të shënuar arritjet e tij në këtë turne.

Njëzet herë kampioni grand slam, që u rikthye pasi u pensionua vitin e kaluar, u duartrokit gjatë derisa po shkonte drejt tribunës mbretërore, ku ishte ftuar si mysafir special për të shikuar tenis.

Zvicerani, 41 vjeç, i fitoi pesë tituj radhazi në Wimbledon nga viti 2003 deri më 2007, duke i fituar edhe tre të tjerë më 2009, 2012 dhe 2017.

Ai e theu rekordin e Pete Samprasit prej shtatë titujve me triumfin e para gjashtë viteve.

Me 103 tituj ATP dhe 310 javë të kaluara si numri një i botës, Federeri adhurohet shumë nga tifozët britanikë dhe duartrokitjet për të zgjatën disa minuta.

Mbi 15 mijë tifozë mund të kenë qenë të zhgënjyer që Federeri nuk foli, pasi loja filloi menjëherë pasi spikeri e falënderoi Federerin për kujtimet që ua ka dhënë tifozëve të Wimbledonit gjatë viteve.

Por atij nuk iu desh të fliste për të pasur ndikim.

Nuk ishte që Rybakin nuk e donte atë për ta parë lojën e saj të parë si kampione kundër amerikanes Shelby Rogers, ishte thjesht punë nervash nga prania e tij pasi ajo bëri gabim të dyfishtë në pikën e parë.

“Mbase isha shumë nervoze sepse më pëlqen shumë Rogeri. Kur isha e re i shikoja ndeshjet e tij”, tha Rybakina, e cila fitoi në tri sete.

Por një njeri që donte patjetër që Federeri të ishte në fushën e tij, ishte Alcarazi, i cili po fluturonte gjatë fitores kundër Jeremy Chardy në Fushën Një.

“E pashë që Roger Federer ishte aty. Isha pakëz xheloz. Sinqerisht, unë dua që Roger Federeri ta shikojë njërën nga ndeshjet e mia”, tha Alcaraz.