Shefi i PGMOL Howard Webb thotë se goli i anuluar i Arsenalit ndaj Aston Villës ishte vendim i drejtë

Goli i minutave të fundit i Arsenalit që u shënua nga Kai Havertz, që më pas u anulua nga gjyqtari dhe VAR, në ndeshjen ndaj Aston Villës, u cilësua vendim i drejtë nga shefi i PGMOL, Howard Webb.

Havertz u duk fillimisht që shënoi golin e barazimit kundër skuadrës së Unai Emery, por vetëm për t'u anuluar më pas për shkak të një loje me dorë që e pa Arsenalin të mposhtet me një diferencë të vogël 1:0 në Villa Park. Pavarësisht një kontrolli të gjatë në VAR, goli u anulua, gjë që e la të zemëruar mesfushorin gjerman, pasi ai mund të kishte bërë pak për të parandaluar që krahu i tij të godiste topin nga një distancë shumë e afërt.

Webb sqaroi situatën me zyrtarët e ndeshjes: Episodi Mic'd Up në Sky Sports, ndërsa adresoi zhgënjimin e tifozëve të Arsenalit: "Ligji thotë se çdo kontakt me dorën ose krahun e një sulmuesi - qoftë edhe aksidental - që më pas çon në gol, duhet të penalizohet menjëherë. Dhe ky është në fakt një vendim shumë i mirë në fushë nga gjyqtari, Jarred Gillett, në këtë aspekt. Ligji kërkon që ai të penalizojë kur sheh atë kontakt në krahun e Kai Havertz. Nuk është e qëllimshme, por ende duhet të penalizohet. Mendoj se ideja ishte që nëse del goli nga krahu, nuk mund të jetë një gol i drejtë - kjo ishte arsyeja pse hyri ky ligj. Por ne shohim këtë lloj situata që çojnë në një gol të anuluar kur godet në krahun e Havertzit dhe megjithatë disa sekonda më herët, ai godet edhe krahun e Matty Cash - po aq rastësisht - por ai nuk dënohet. Ai nuk mund të ndëshkohet, sepse ai duhet të kryejë një shkelje ndryshe si mbrojtës - ai duhet të reagojë qëllimshëm për dallim nga sulmuesi. Ai nuk bën asnjë nga këto, kështu që është e drejtë të mos penalizohet, por ne jemi duke folur për sulmuesin. Ai godet dorën e Havertzit dhe ne duhet të anulojmë golin në këtë rrethanë."

Arsenali me këtë humbje ra në pozitën e dytë në Premierligë. Megjithatë, ata mund ta marrin sërish kreun e tabelës për disa orë, nëse fitojnë nga Brighton të dielën.