Serie A do të jetë e para që transmeton bisedat ndërmjet VAR-it dhe gjyqtarit kryesor
Serie A do të jetë kampionati i parë që do të transmetojë audiot ku dëgjohen bisedat ndërmjet dhomës së VAR-it dhe gjyqtarit kryesor të një takimit, duke filluar nga sezoni 2023/24, njoftim tashmë i konfirmuar.
Plani ishte duke u bërë qe disa kohë dhe u njoftua nga gjyqtari që dha idenë, Gianluca Rocchi.
“Ne ende duhet të vendosim, por do të ketë transparencë maksimale”, tha Rocchi në një konferencë për shtyp. “Regjistrimet audio VAR do të bëhen publike përmes DAZN që nga fillimi i sezonit. Ne kemi filluar një projekt inovativ me DAZN dhe do të jemi federata e parë e futbollit që do të transmetojë audio incidentet që janë objekt diskutimi.”
Duket se nuk do të jetë një qasje automatik në të gjitha regjistrimet, por më tepër në incidente të zgjedhura që shkaktuan më shumë polemika gjatë ndeshjeve të asaj fundjave.
Kjo mund të ndryshojë me kalimin e kohës dhe mund të varet gjithashtu nga DAZN, kompani e cili ka të drejtat e transmetimit për shumicën e lojërave të Serie A-së, se çfarë do të transmetojë.
Prandaj, nuk ka gjasa që audio VAR të dëgjohet menjëherë gjatë ndeshjes, por disa kohë më vonë.
Ndërkohë, emëruesit e gjyqtarëve mund të kenë gjithashtu një mundësi për të përshkruar arsyetimin pas vendimeve të caktuara, pavarësisht nëse ato ishin të sakta apo jo.
“Problemi nuk është nëse është bërë një gabim, por pse”, shtoi Rocchi. “Zgjidhja është që të kemi një hapësirë tonën çdo 15 ditë ose një herë në muaj ku mund të shpjegojmë incidentet.”
Tashmë ka disa ish-gjyqtarë që veprojnë si ekspertë në televizionin italian dhe japin analizat e tyre për situatat e diskutueshme si gjatë ndeshjeve ashtu edhe pas ndeshjeve, por jo gjithmonë janë në një mendje me vendimit e gjyqtarëve në fushë apo atyre të VAR-it.
