Sarri: Do të kërkoj shpjegim nga lojtarët

Trajneri i Lazios, Maurizio Sarri, ka paralajmëruar lojtarët e tij se do të kërkojë shpjegim për humbjen e turpshme ndaj Midtyjlland 5:1 në Ligën e Evropës.

Ata e kishin filluar fushatën mirë në garat evropiane, duke dominuar Feyenoordin dhe duke udhëhequr 4-0 për të fituar në fund me rezultatin përfundimtar 4-2, kështu që shpresat ishin të mëdha ndaj skuadrës daneze.

Në vend të kësaj, ata u grisën në copa dhe humbën 5-1 nga Midtjylland, duke e lënë grupin plotësisht të ekuilibruar.

Futboll / Lazio turpërohet nga Midjylland, Manchester Unitedi fiton lehtësisht ndaj Sheriff Tiraspol

Nuk është hera e parë, pasi sezonin e kaluar ata kishin pësuar disa disfata të rënda me rezultate të ngjashme.

“Fatkeqësisht, ndonjëherë Lazio nuk paraqitet fare dhe është edhe më keq në Evropë, sepse ne kishim bërë përparim në këtë garë”, tha Sarri për Sky Sport Italia.

“Nuk kishim fare përulësi. Ne menduam se do ta rregullonim këtë problem, por me këtë mentalitet, nuk do të merrni asgjë nga këmbët tuaja.”

Sarri nuk i tha asgjë skuadrës në dhomat e zhveshjes, duke preferuar të marrë pak kohë për të përpunuar atë që ndodhi më parë.

“Është përgjegjësia ime, do të merrem me lojtarët. Do të kërkoj shpjegim prej tyre, sepse e pashë këtë arrogancë dhe supozim të pamasë. Ne ishim të gjithë në këmbë dhe me një ritëm të ulët, sikur të ishim 4-0 në avantazh dhe të lundronim.”

Sarri ishte edhe më i ashpër më pas në konferencën e tij për shtyp, duke ngritur dyshime për të ardhmen e tij në Stadio Olimpico.

“Këto kolapse të papritura emocionale janë të ngjashme me vitin e kaluar. Është e vështirë të kuptosh motivimin. Më duhet të shikojë, nëse jam unë që duhet të bëj një hap prapa, ose një lojtar që duhet të largohet”.

Teksa pas ndeshje foli edhe Ciro Immobile, duke thënë se në këtë ndeshje kanë bërë 10 hapa prapa.

“Ndjej nevojën t’u kërkoj falje mbështetësve që erdhën deri këtu nga Roma”, tha Immobile për Sky Sport Italia.

Nesër do t'i shikojmë ndeshjen dhe do të kuptojmë se çfarë mungonte në paraqitjen tonë që mund të lejonte këtë rezultat.

Thjesht, ne kurrë nuk kemi hyrë në fushë. Ne e nënvlerësuam ndeshjen dhe ju paguani për këtë në këtë nivel. Ne donim të bënim një hap përpara, por në vend të kësaj bëmë 10 hapa prapa.

Ka më shumë punë për të bërë, menduam se kishim gjetur një qëndrueshmëri dhe vazhdueshmëri, por e humbëm përsëri.”