Rodrygo në Premierligë? Gjigantët anglez e dëshirojnë yllin brazilian të Real Madridit
Real Madridi është kontaktuar nga Manchester United, Manchester City, Liverpool dhe Arsenal për të parë disponueshmërinë për një marrëveshje për yllin brazilian Rodrygo në verën e këtij viti.
Anësori brazilian ka qenë një pjesë e madhe e planeve të Carlo Ancelottit që kur italiani mori drejtimin e klubit. Megjithatë, për shkak të ardhjeve të afërta të Kylian Mbappe nga Paris Saint-Germain dhe 'mrekullisë' braziliane Endrick, i cili nënshkroi me Los Blancos në dhjetor 2022, por është ende me Palmeiras për momentin, vendi i tij së shpejti mund të jetë nën kërcënim.
Kjo e ka lënë të pasigurt të ardhmen e Rodrygo në Santiago Bernabeu. Sipas SPORT, për shërbimet e anësorit të djathtë kanë shfaqur interesim Manchester United, Manchester City, Liverpool dhe Arsenal. Katër klubet e Premierligës tashmë raportohet se kanë kontaktuar drejtuesit e Real Madridit për të kuptuar planet e ardhshme të anësorit brazilian.
Sipas raportimit, Real Madridi nuk është i gatshëm të dëgjojë ndonjë lloj interesi për Rodrygo në këtë pikë të sezonit dhe ia ka bërë të qartë të njëjtën gjë palëve të interesuara në Premierligës. Gjithashtu është raportuar se lojtari nuk po mendon të largohet nga kryeqyteti spanjoll këtë verë dhe është gati të luftojë për vendin e tij në klub.
Braziliani do të mbetet i përqendruar në detyrën e tij, pasi fituesit rekord të Ligës së Kampionëve kërkojnë të shtojnë një tjetër trofe në kabinetin e tyre të tejmbushur. Ata duken të gatshëm për të fituar titullin e ligës me lehtësi dhe gjithashtu mbeten në garë për një trofe të 15-të të Ligës së Kampionëve, pasi kanë arritur në çerekfinale, ku do të përballen me Manchester Cityn.
